Talelan 10:21 - BII BILA

²¹ Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.

Talelan 10:21 Referans Kwoze

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Talelan 17:16

Volion va bɛɛ diɔm sondo vesɛiyo o ba, kpeku yɛɛ o soli yɛ a mun? Mò va maa kɔlkaloo o piandunin a mun ni? Kani o pe lebol te.

Matie 13:19

Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Talelan 1:29

Kani la pɛɛsa dɛnɛ sinaa, la cɛl le siòòŋii Mɛlɛka-e nɔu le.

Talelan 15:4

Sɔɔn luei vannda yoomuan-ndon co maa yɔm cindàà. Kɛ diomnde vɔɔnnden nden, kɔllo le tɛɛmbuu vana ni.

Talelan 5:23

O vunin le tùú o kɛɛ le pɛɛkoo cɛlɔɔ-o. O laasiannin le diɔmii ndɔɛi bɛndu-bɛnduei.»

Talelan 5:12

O tosan yɛ pɛ lende, a diminin aa: ‹Ko le yɛɛ nɛ ya kɛɛ yɛ le silaa biyɔɔ? Ko le yɛɛ kpeekpei ya pɛɛsa yɛ kanalan nda va ya-o o kɔl nuu nin?

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

SƐBƐ YƆB-O 23:12

I kɛɛ tɔŋnda fula ndu o sondo lan te, i mal yeemɛi nii le sɔɔn fula ndu o sondo-on biyɔɔ.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Talelan 12:18

Mì vana tombola fondo-fondoo boli vana a tombola ndɔɔ maa a mɔɛi cɔw. Mɛ sɔɔn fula vana kɔlkaloo o sondo-on, maa kooma singiaa n co ni.

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Yeremi 3:15

Mì yɔngu niaa vanaa mandaa n'cɔlua ya laalan-nda. A simnin niaa laci a kɔlkaloo a á sinapɛngoo.

Condii lisai 37:30

Sɔɔn kɔlkalon vana sandaa biiŋuu sondoo coo ni, sɔɔn sandan diɛɛmule ndɔlen le dimi ni.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Talelan 6:32

Kɛ vana-vana tɛm pɛ a vanalanɔ co laa ndɔ loo, vana bolle hiŋnanndo vana kon co ni. Kani vana yeema le ndu pila tɛɛmbɔnndo-o tosa lende ni.

Talelan 10:11

Sɔɔn vana sandaa n co maa mɛmma soon, ma yɔngu vana cindaa-an. Kɛ sɔɔn vana vɔɔndo, yɔŋ vɔɔndo mun vian ni.

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Talelan 5:2

haliko ma bii yiyan taasio kpíŋ, mì cɔcɔn nɔmndon manda sinapɛngoo.

Talelan 15:7

Sinapɛngoo fula vanaa kɔlkalua o sondo ni, kɛ kɔlta diɔmaa sondo vesɛiya la simul te.

Vana Kɔlkaloo 12:11

Sɔɔn vanaa kɔlkalua co maa sionnde nɔ ciliŋii siɛɛmbiɛi o bollen le cɔlua kpeŋaa len. Talela nda dimì lan la co maa ciliŋii siɛɛmbiɛi nda baŋ o sionnde len bollen-nde. Kon kpow, Hala ke vana ni. Ndu pilɛ kpé sim vana laci ni.

Esai 5:13

Lelan, vannda kɔanin a vanaa niaa o cɛlen nin le tùú nda kɛɛ le ɲɛ-ɲɛ bila biyɔɔ-o. Vanaa ndaa bɛndua cuunin vu a yiaan, vanaa niaa kalaa cuunin vu kpow a bolola vesɛilan.