Talelan 10:19 - BII BILA

¹⁹ Vana hiw pɛ sɔɛi a pilan caanda tana. Kɛ vana caa diɛɛmule ndɔlen biyɔɔ-o, vana taasio co kon ni.

Talelan 10:19 Referans Kwoze

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Vana Kɔlkaloo 5:3

Taa baa pɛ yoolen o Mɛlɛka lo, yangaa le len timbio le, kani Mɛlɛka yeema dɛnɛ idiɔmndo le. Lelan peelu ciɛ́i n cua-e.

Condii lisai 39:1

Condii David-e, í fula o condun simlacinɔ vanaa n'condua nin-nde, Yedutun pɛɛn.

SƐBƐ YƆB-O 11:2

«Vɛ̀ɛ̀ sɔɔn sondo yeelɛin vaa nuaa n bumba pa mulio sɔla? Vana caa isɔɔ sɔla pá dio le tombola ndɔɔ?

Talelan 18:21

Sɔɔn sondon nɔla mì n ciindiaa vana, te kon te mì n dii vana. Lelan vana yeema pɛ sɔɛi, fɔ mò cɛl kɔmnde sɔɛi ken.

Vana Kɔlkaloo 5:2

Vana hiw pɛ buulanndan, a sɔl lɔma vɔɔnndan. Lende koni, vana hiw pɛ sɔɛi, a dimi sɔɔn idiɔmndon.

Talelan 11:12

Vana congu caanda-o pe lebol te, kɛ vana kɔlkaloo ndu, meinɔnndo o meinun ni.

Talelan 11:13

Vana sɔɔn pɔmbɔɔ bii sondo ndɔɔ le. Kɛ vana lo o lediom coo-o ndu, sɔɔn kpow mo mandan o kɔl.

Talelan 12:23

Vana taasio cɔ́mnùn a sinapɛngu ndɔɔ le. Kɛ diɔmndo ndu, diɔmii ndɔɛi o pɛngɛla ni.

Vana Kɔlkaloo 5:1

«Kélèŋà sondoo kumbi le sɔɛi le. Sɔla yiyan kɛ́-kɛ̀ o kɔl ma yala dimi Hala o hɔl te. Kani Hala co o halataala, nɔm a co o lɛŋnden coo nanu. Lelan, soo tùúlen.