Talelan 10:18 - BII BILA

¹⁸ Dɛnɛ muuluanndo o co le nɛyɔnndo vonɔɔ ni. Vana sɔɔn pɔmbɔɔ ndu, o pe lebol te.

Talelan 10:18 Referans Kwoze

Condii lisai 55:21

Caan nuu lɔ́ɔ́ kon bii vanaa nda va kelaa o kɔlɲuloo nin-nda. O peelu kpema o yii-o le.

Condii lisai 15:3

Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Condii lisai 50:20

La cal pɛ, la cal puapilɛa niaa congòó, la tɛɛmbuu vanaa niaa fula kala pilɔɔ-a diolan.

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

Condii lisai 5:9

Mɛlɛka, sim ya laci o dɛnɛ sandaa nɔmndo nin le vanaa co ya cɔlɔbaa-a. Peelu nɛi nɔmndo tɛ́lɛ́lɛ́ ya laci.

1Samiɛl 18:29

mí siòònde cɔɔlu ndu biyɔɔ a David, mí nɛyɔn bɛndoo luɛi vɛlɛ ndu o kɔl a ndu.

Fulaa 23:1

«La sɛŋi sɔɔn lacòòvan te. La sim vana yɔŋ vɔɔndo kɔɔli mì la timbi seile lacòòvalen le ndu dio keo le.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

Yeremi 6:28

Nda kpow vanaa nila kalua nda co ni, vanaa muuluannda, a kendu nilan maa n'daɲa, maa n'cilin, nda kpow a laasian.