Talelan 10:15 - BII BILA

¹⁵ Maa kpaki bolofaa kanda vana bolofaa ni. Kɛ tɛɛmbuuo bala fondolan la tɛɛmbuu vana bala fondoo ni.

Talelan 10:15 Referans Kwoze

Talelan 18:11

Maa kobi co o kungaa a kpakio-o ɲɛ-sɔlaa vana bolofaa co ni, maa kpaki kanda vana-o o ca ndu ni.

Talelan 19:7

Vana bala fondoo ndu, hali bɛndaa ndɔa, te kon te pɔmbɔa ndɔa mò nɛinun nda. Caaŋaa ndɔa bɛɛ mà faaŋian ndu. O yeema bɛɛ le sɔɛi o nda lo, o ci lɛ nda le.

Condii lisai 52:7

Lelan nɔm bɛɛ, Hala co nɔm tɛɛmbuu le fɛɛn a fɛɛn. O koondannin nɔm, mò soli nɔm o cɛi-kola-toandaa nɔmndo nin, mò faŋa nɔm o ceendo vanaa yoomaa ho coo.

Talelan 14:20

Vana bala fondoo, hali caaŋaa ndɔa, mà pɛɛsa ndu. Kɛ vana bolofaa ndu nɔ canyan sɛ́lɛ́.

Vana Kɔlkaloo 7:12

Nduyɛ, mɛɛ volion manda vana yɛ, lende koni kɔlkaloo manda vana ni. Kɔlkaloo cɔɔlu yoomu vana nɔ ndu-a bɛndi.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Luke 12:19

O kon i dimul kɔl nuu aa: A nɔ ɲɔɔn taw n kɛsiaa le vɔsila bɔɔ-bɔɔ. Buulan te, dio mà kol, mà dɔwnun ɲaale.›

Marke 10:24

Mí kɔndɔfillo bii kaandennda a sɔɔn mun. Kɛ mí Yeesu miinguu ndi dimi aa: «Cuavaa nia, o kendu le luɛyɔɔ o masale Hala len nin dɛ!

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Condii lisai 49:6

Le yɛɛ siòònde bii yɛnin ya o palɛi dɛnɛ palɛi, telen vanaa yɔŋ vɔɔnda balunin ya le ya delɔɔ coo-o?