Talelan 10:14 - BII BILA

¹⁴ Vanaa kɔlkalua ca sinapɛngoo mandaa, Kɛ vana pe lebol too soo dɔ́ɔ́ pɛ, delɔɔ ndɔɔ yom lɔ́ɔ́.

Talelan 10:14 Referans Kwoze

Talelan 18:7

Sɔɔn diɔmndo solìn o sondo-on kondu ndu dɛnɛ ni, cɔcɔn ndɔn co yaŋɔɔle o biinùn-nden ni.

Talelan 10:8

Vana kendu kɔllo-o cɛl tɔŋndan ni, kɛ vana soaa mɛ̀ɛ́-mɛ̀ɛ́ ka-o, laasianndo co ndu levil te.

Talelan 13:3

Vana mandan a sondo ndɔɔ-o, ndu ciindiaa yoomu ndɔɔ ni. Kɛ vana dimi sɔɔn mɛ̀ɛ́-mɛ̀ɛ́ ka-o, ndu tɛɛmbun ni.

Talelan 10:10

Vana vin pɛ caanda toɲaa a saangiaa nda, vana soo pɛ mɛ̀ɛ́-mɛ̀ɛ́ ka, laasiando co ndu levil te.

Talelan 9:9

Sila vana kɔlkaloo, mò cɔɔlu kɔlkaloo sɔla. Pɛɛku vana sandaa, mì dɛnɛ ndɔ sinaa cɔɔlun.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Matie 13:44

«Masale halataala len le co vɛlɛ ko kpen maa bolofaa co o vianaa yondoo pum nin-ndo. Vanndo saalɔnndo ndu, mó cɔɔlu ndu vionɔɔ. O lo ɲaale kon dɔwnɔnndo tei, mó pisi ɲɛm ndɔn kpow, mó kɔ piandu yondo kon.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Talelan 21:23

Vanndo bii pɛ sondo ndɔɔ a diɛɛmule ndɔlen, o kpakpala sangala bɔɔ-bɔɔ.

Talelan 19:8

Vana nuwviaa pɛ dɛnɛ sinaa mɛɛ ndu pila kaolan. Vana holnun pɛ sinapɛngoo ndu sɔla dɛnɛ kɛndɔɔ.

Talelan 18:15

Vanndo keela pɛ kɔllo, o sɔla sinapɛngoo. Sɔɔn pɛɛku vana-on vana kɔlkaloo yeemà tueyɔɔ ni.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Talelan 12:23

Vana taasio cɔ́mnùn a sinapɛngu ndɔɔ le. Kɛ diɔmndo ndu, diɔmii ndɔɛi o pɛngɛla ni.

Vana Kɔlkaloo 10:12

Vana kɔlkaloo soo pɛ, sɔɔn mun hɛnan vannda. Kɛ diɔm sondo vesɛiyo ndu kumbi dɔ́ɔ́ pɛ sondoo, vannda yaa ndu.

Talelan 17:20

Vana dindu kɔl too sɔla dɛnɛ kɛndɔɔ le. Vana dimi pɛ diomnda vɔɔnndan a caanda, ndu del o dɛnɛ palaa nin.