Talelan 10:12 - BII BILA

¹² Nɛyɔnndo hun a sɔngɔlan ni, kɛ kaolaa kumbu tɛɛmbuulan kpow ni.

Talelan 10:12 Referans Kwoze

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

Talelan 17:9

Tɛɛmbuu vanndo tɛɛmbuu-o pɔɛyɔnndo, kon yeeliaa canyɛi ni. Kɛ lambanndo sondo mingio lecoo, kon puusiaa canyɛi ni.

Talelan 15:18

Vana kɔltuwvo tiŋ sɛɛngianndan ni, kɛ vana biuvanndo ɲumi sɔngɔlan ni.

Nsaki 5:20

mɛɛ o sina pɛngu maa vana pum co, o mìngì vana lahakio o nɛi, mò faŋa ndu o pɔwlan nin-ndo. Ndu baŋa yoomoo o piɔ́mndo hɔl-ndɔ ni, mó kumbu hakila bɔɔ-bɔɔ, mí la ɲum.

Nsaki 4:1

Kuɛɛ nɛ sɔngɔlan a cɔlɔbala co niaa tɛɛn-ndan la co yɛ fulaa? Vɛ̀ɛ̀ o co o yeeman co niaa cɔlɔbaa o lakɔl-lon nin te?

Talelan 28:25

Vana ɲɛ pe lehɔl too nɔ sɛɛngianndan ni. Kɛ vana tiindan pɛ Mɛlɛka, ndu sɔlanin bolofaa.

Talelan 16:27

Vana fondoo tuu sɔɔn vɔɔnndon ni, sɔɔn fula ndu o sondo-on co maa yinnde biyaa.

Talelan 29:22

Vana kɔltuwvo nɔ sɛɛngianndan ni, vana yala kɔllo fulaa-o tɛɛmbuu vannda kɔllo taw ni.

Talelan 30:33

Kani vana lɔɔ pɛ nɔnɔɔ, o cal o kendu sikpa. Vana kundu pɛ milinndo, koovan ma fula. Vana kundu pɛ kɔltuwvo, sɛɛngianndo cɛn.