Talelan 1:5 - BII BILA

⁵ Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Talelan 1:5 Referans Kwoze

Talelan 12:1

Vana yeema pɛ dɛnɛ sinaa, o cɛl mà cɔm ndu sɔvun ndɔn. Diɔmnde o co le kanalanndan kɛɔ cɛlɔɔ ni.

Talelan 9:9

Sila vana kɔlkaloo, mò cɔɔlu kɔlkaloo sɔla. Pɛɛku vana sandaa, mì dɛnɛ ndɔ sinaa cɔɔlun.

1Korɛntea 10:15

Maa mɛɛ ya sɔaa o vanaa kɔlkalua lo yɛ ya co niaa diomndan ndan dimullo ni, niaa pila kiolu sɔɔn ya co dimio-on iyama.

SƐBƐ YƆB-O 34:16

Taa nɔ pɛ sinapɛngoo, mɛɛ yaŋ nilan o sɔɛi he, yaŋ nilan o diom co ya fulaa o sondo-o.

SƐBƐ YƆB-O 34:10

Lelan, la yaŋ ya nilan, niaa vanaa kɔlkalua. Hala nɔla pá mò tosa dɛnɛ kɔlvesɛiyo? Ndu Vana-Kpaayaa tosà pá dɛnɛ sendu loo?

SƐBƐ YƆB-O 34:34

Vana-vana co vana taasio a vana sinaa dɛnɔɔ, a cɛlnin ya kɔɔli mà dimi aa:

2Dɛnnda lemasalan 25:16

O lo sɔɛi lende, mí Amasia hialu ndu sɔɛi o sondo aa: «Vɛ̀ɛ̀ naa n hɛli nɔm le siŋnɔnndo vana silaa masaa ni? Taa yeema ma sɔla lɔɔ le mɛɛ o mɛɛlu nuaa dɛ!» O kon, mí vana-tɛɛngaa-diom Hala-o mei sɔɛi. Kɛ telen o va faŋanndo-o, mó dimi aa: «I sina nihau maa Hala cii kiolɔɔ le nɔm diyɔɔ, le tùú n tosa dɛnɔɔ ho-o a le kɛɛ n kɛɛ le sila nuu biyɔɔ-o.»

Talelan 14:6

Vana yongaa kindin bɛɛ le kɔlkaloo sɔlaa, o tiwba le. Kɛ vana taasio ndu nɛi dɛnɛ sina le.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Tɔŋ miingua 4:6

La bii lan mì la kela lecoo lende, kon tosanin ni mì vannda ce niaa vanaa kɔlkalua a vanaa dɛnɛ sinaa vanaa-mangalaa-isɔɔa tɔ̀a o hɔl. A tuɛinin kɔlkalu niaa tɔ́ɔ́ mà dimi aa: ‹Vanaa sɛ́lɛ́ bɛndua ha, vanaa dɛnɛ sinaa a vanaa kɔlkalua kposon nda co ni!›

SƐBƐ YƆB-O 34:2

«Niaa vanaa kɔlkalua sei, la tuei-yɔ sɔɔn nun! Niaa vanaa dɛnɛ sinaa, la yaŋ ya nilan!

Talelan 8:33

La kɛ́ɛ̀ kanalannda nilan te, la bii lan mì la sɔla kɔlkaloo.

Talelan 9:8

Cɔ̀m vana mamaa n'vanndo sɔvun ndɔn te, yɔŋii o pɛɛsa nɔm. Kɛ cɔm vana kɔlkaloo sɔvun ndɔn, mò kaola nɔm.

Talelan 18:15

Vanndo keela pɛ kɔllo, o sɔla sinapɛngoo. Sɔɔn pɛɛku vana-on vana kɔlkaloo yeemà tueyɔɔ ni.

Talelan 19:25

Soŋ vana yongaa, o kon mì vana bii dɛnɛ bila loo sɔla taasio. Kanalan vana kendu kɔl-lo, o kon mò bii ɲɛ n co ndu cɔm-ndo bila.

Talelan 21:11

Vana tuisi pɛ vana yongaa sangaa coo le yonga ndɔɔ, vana bii dɛnɛ bila loo sɔla taasio. Vana pɛɛku pɛ vana kɔlkaloo ɲɛ, o sɔla sinapɛngoo.