Talelan 1:32 - BII BILA

³² Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Talelan 1:32 Referans Kwoze

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Hebreea 12:8

Te la sɔla sangaa le tɛɛmbuula niaalan maa cuavaa ndɔa le, mɛɛ la co cuavaa ndɔ kpeekpei le.

Condii lisai 69:22

À vow bɔ̀tàá o ɲɛdiaa nuu nin, kolɔɔ biyɔɔ ya, má ke ya mɔima vaalɛiyan.

Nsaki 5:5

La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

Talelan 5:22

Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.

Talelan 8:5

Niaa vanaa kindu lakɔl te-a, la kindin le kɔlkaloo sɔlaa. Niaa vanaa pe lebol te-a, la kindin mì la sina dɛnɛ.

Esai 66:4

Lelan ya bɛɛ, ɲɔɔ hɛnannin ya taw le dɛnɛ palaa ndaa. I tuisinin ɲɛ lueinin nda siòònde-o nda pila coo, kani i veelu kɛ vana pilɛ bɛɛ cɛl te. I soo, kɛ vana-vana yeŋ lani le. Nduyɛ má tosa ɲɛ co dɛnɛ vɔɔndo ya o hɔl-lo, mí ɲɔɔ hɛnan nda o dɛnɛ ya yeema loo tosaa nin.

Tɔŋ miingua 28:17

Dangaa vanin o kambɛila niaalan a o hɛngɛila niaa lindà dɛɔ nin-ndan coo.

Talelan 2:18

Kani cɛi vanalanɔ kon co kɔlan a sɔɔnguuo o piɔ́mndo sondoo, o vanvílɛ́iya lo nɛila ndɔlan la yaa vana ni.

Talelan 9:18

Nduyɛ, vanaa kan a co sina maa o ciee vanaa vi nin-nda le nda co kɔlan lende le. À co bɛɛ sina maa ciee-piɔ́m te o veelu nda lende le.

Talelan 10:21

Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.

Talelan 14:16

Vana kɔlkaloo nɔ siòòŋii dɛnɛ vɔɔndo, lelan o kpakpala ndu ni. Kɛ diɔm sondo vesɛiyo ndu nɛi bollen vow o dɛnɛ nin te, kani o laalan a ndu pila.

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.