Talelan 1:23 - BII BILA

²³ La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Talelan 1:23 Referans Kwoze

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Luke 11:13

Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Talelan 12:1

Vana yeema pɛ dɛnɛ sinaa, o cɛl mà cɔm ndu sɔvun ndɔn. Diɔmnde o co le kanalanndan kɛɔ cɛlɔɔ ni.

Esai 45:8

Màá halataalaa cucu dɛnɛ sandaa cɔnɔnndo coocoo mì yumbuyumboo tuisi ndu pɔlɔpɔlɔ! Màá lɛŋnden le kumbin mì cindaa pui, mò tiw tɛ́ngɛ̀-tɛ́ngɛ̀, mì dɛnɛ sandaa vil vɛlɛ o telen pilɛ kon bɛngu! Ya Mɛlɛka, ya co ɲɛm mun toosiaa ni.»

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Talelan 10:17

Vana bii pɛ silaa, ndu hiow laci o ceen ndɔɔ nin. Kɛ vana cɛl kanalanndo le, ndu laasian.

Condii lisai 145:1

Condii lisai, í fula o condun David-on nin-nde. Hala nuu, masa nuu, i yeema mì lisa nɔm, mì sina kɛndɛi nɔmnde le lɔ́ɔ́-lɔ́ɔ̀.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Yeremi 3:14

Niaa cuavaa nila kalua, la muungu nanu. Ya Mɛlɛka co sɔɛi nuaa ni, kani ya co vana niaa pɛɛkaa ni. I cuanin niaa, vana pilɛ o kobio pum nin, vanaa ŋiɔn o yungoo pum nin. O kon, mì mingi niaa Siɔn.

Talelan 1:30

La cɛl le silala nilan biyɔɔ le, mí la ca kanalannda nilan kpow ɲɛ fondoo.

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Talelan 1:25

le tùú niaa kɛɛ silala nilan kpede-o, le tùú niaa kɛɛ kanalannda ya kanalan niaa lan-ndo,

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Yɔɛl 2:27

O kon, la sinanin maa i co Israɛlla tɛɛn. La sinanin maa ya co Mɛlɛka ni, Hala niaa pɛɛn, maa Hala celen co o ya kɔɔli le. Le fɛɛn a fɛɛn nin, siɛmbula bii lɛnin yungu nuu le.»

Yɔɛl 3:1

«O kon kɔɔli, i tuisinin Kɔl nuu vanndacieea kpow coo: poaa niaa a cuavaa niaa laandua tɛɛnguunin diom Hala-o. Kaasoŋaa yuuvɛyaa niaa sɔlnin lɔan, felengia niaa canin vunduan.