Talelan 1:22 - BII BILA

²² ‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

Talelan 1:22 Referans Kwoze

Talelan 5:12

O tosan yɛ pɛ lende, a diminin aa: ‹Ko le yɛɛ nɛ ya kɛɛ yɛ le silaa biyɔɔ? Ko le yɛɛ kpeekpei ya pɛɛsa yɛ kanalan nda va ya-o o kɔl nuu nin?

Talelan 1:29

Kani la pɛɛsa dɛnɛ sinaa, la cɛl le siòòŋii Mɛlɛka-e nɔu le.

Condii lisai 1:1

Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

Nsaŋ 3:20

Kani vana-vana va pɛ dɛnɛ vɔɔndo tosaa, nɛyɔn ɲɛ-tengaa va ndu ni, o fula o ɲɛ-tengaa le, yɔŋii dɛnnda vɔɔnnda o co coo lan la fula ceen.

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Talelan 21:11

Vana tuisi pɛ vana yongaa sangaa coo le yonga ndɔɔ, vana bii dɛnɛ bila loo sɔla taasio. Vana pɛɛku pɛ vana kɔlkaloo ɲɛ, o sɔla sinapɛngoo.

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Matie 17:17

Mí Yeesu muli aa: «Éé, niaa vanaa nila kalua a vanaa laasiannda ha! Háá telen kuɛɛ nɛ ya lo yɛnin niaa ikɛi? Vɛ̀ɛ̀ kpɛ́ ya lo yɛnin biwnɔnndo a niaa? La cuu ya ndu nanu.»

Talelan 19:29

Le vanaa yongaa vɔngulun nda pila le dɛnɛ palaa sɔlaa ni. Diɔmndo yɛ, ndu pila tosà ma hol ndu baa.

Talelan 15:12

Vana yongaa cɛl mì vana kanalan ndu le, lelan o holnun vanaa kɔlkalua le.

Talelan 14:6

Vana yongaa kindin bɛɛ le kɔlkaloo sɔlaa, o tiwba le. Kɛ vana taasio ndu nɛi dɛnɛ sina le.

Talelan 8:5

Niaa vanaa kindu lakɔl te-a, la kindin le kɔlkaloo sɔlaa. Niaa vanaa pe lebol te-a, la kindin mì la sina dɛnɛ.

Talelan 7:7

mí ca poombɔ piaandu nɔ mahul too pum o vanaa nɔ taasi le-a tɛɛn, mí dɔaw ndu taasi poambɔa piaandua tɛɛn.

Talelan 6:9

Nɔm vana siɛlɛiyo yɛ, háá telen kuɛɛ nɛ n lo yɛnin ihini? Telen kuɛɛ n can yɛnin o lɔan?

Talelan 3:34

Mamɔɔ Mɛlɛka mam vanaa mam ndu mamɔɔ tɛɛndanndo-a ni, mò tosal vanaa tuisin nda pila tootoo-a kɛndɛi.

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

Talelan 1:4

La naŋ le vanaa nɔ taasi le-a taasio yɔngoo, le poombɔ felengoo dɛnɛ sinaa a yiyan sɔvɛɔ yɔngoo.

Condii lisai 94:8

La caa dɛ, niaa diɔmnda ha. Niaa vanaa kindu ha lakɔl te-a, lɔ́ɔ́ kuɛɛ niaa sɔ̀là yɛnin kɔlkaloo?

SƐBƐ YƆB-O 34:7

Ɔ́ɔ̀ vana co maa Yɔb-o, o yeowlan la co o sondo maa mɛmma kolaa-o?

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

Fulaa 16:28

O kon mí Mɛlɛka ɲuna Moise aa: «Lɔ́ɔ́ kuɛɛ kpeekpei niaa bii yɛnin silala nilan a tɔŋnda nilan?

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Talelan 1:21

O co yondaa o fondala vɔkɔ-vɔkɔlan sondoo, o co sɔɔn ndɔn dimio o diola luɛyaalan nin, o co mun dimio a labɛɛla o kobio nin aa:

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Talelan 21:24

Vana kuundian pɛɛsa caanda-o, diola ndɔlan aa «Yongaa». A yonga ndɔ bɛndu-bɛndoo o tosa dɛnndan ni.

Talelan 22:3

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?