Sofoni 3:8 - BII BILA

⁸ Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Sofoni 3:8 Referans Kwoze

Yɔɛl 3:2

Hali cɛa piaandua a à laandua coo, i tuisinin Kɔl nuu o palɛi ken nin.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Matie 25:32

Vanaa-mangalaa-isɔɔa kpow a cuungiannin ndu o hɔl. O sɛinin nda mɛɛ vana mandaa n'cɔloo sɛi saa a cuinnda nuaa yɛ.

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Osee 12:6

Mɛlɛka co Hala-Nɔ-Kpaayaa-Kpow-vo ni, diola ndɔlan aa Mɛlɛka.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Condii kɛndɛ-kɛndɛi 8:6

Hol-la o kɔl nɔmndo coo maa tampɔm, manda ya mì va nɔm ikɛi maa kelɛi ba n sɛva diola nɔmndan coo-e. Kani mɛɛ piɔ́mndo nɔ yoomuan yɛ, lende koni kaolaa bɛɛ nɔ yoomuan ni. Mɛɛ ciee-piɔ́m kendu nuaa yɛ lende koni paŋalaa bɛɛ kendu ni. Vana nɔla ndu tundɔɔ le. Vana ca ko yelenyelen paŋalaa aa yelenyelen leyinndo ni, yinnde fula o Mɛlɛka lo len pɛɛn.

Talelan 20:22

Dimi le aa: «I mingi vɔ màá dɛnɛ vɔɔndo». Tiindan Mɛlɛka, mò baŋa nɔm.

Condii lisai 123:2

Mɛɛ buɛyaa piaandua tofa vana nɔ nda baa coo-o nuaa yɛ, mɛɛ a laandua tofa vanalanɔ nɔ nda baa coo-o nuaa tuŋ yɛ, lende koni, n co Mɛlɛka Hala naa tofaa ni háá, mò tuinun naa iɲíí, mò mala naa.

Condii lisai 62:5

Vannda yeema mà faŋa ndu o fonda o co-o. Còòlan la hɛnan nda ni. A co duaalan dɔvɔɔ a lasondo, kɛ a co dangalan dɔvɔɔ o kɔl nin.

Condii lisai 62:1

Condii David-e, í fula o condun simlacinɔ vanaa n'condua nin-nde, Yedutun pɛɛn.

Condii lisai 37:34

Tiindan Mɛlɛka, ma kela o nɛi ndɔɔ coo. O heelunin nɔm, ma sɔla lɛŋnden kɛ́ɔ. O kon, nɔm pila canin vanaa kɔlvesɛiya ɲumndo bòmbò.

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Dɛnnda cɔɔmuanndan 16:1

Mí tuɛi diom bɛndoo pum fulaa o Cɛi-Hala-o nin, mó dimul mɛlɛkaa ŋɔmmɛvaa kan aa: «La kɔ cuiŋi ɲɛ co o taalala kólaala ŋɔmmɛwla kɔltuw Hala-o nin-ndan o lɛŋnden coo.»

Condii lisai 79:5

Mɛlɛka, háá lɔ́ɔ́ kuɛɛ n lo yɛnin a kɔltuwvo ho? Háá tuma kuɛɛ paŋala nɔmndo ho lo yɛnin sandei he maa leyin?

Condii lisai 79:6

Tuisi kɔltuw nɔmndo vanaa-mangalaa-isɔaa coo, à sina kan nɔm te-a pɛɛn, tuisi ndu masɛi pel hee diola nɔmndan tei coo.

Esai 14:26

Ɲɛ tuunun le lɛŋnden kpow tosallo-o co hoo ni, ba siɛndin le vanaa-mangalaa-isɔɔa kpow lɔɔ-o co kon ni.

Yeremi 10:25

Tuisi kɔltuw nɔmndo lɛŋii sina nɔm te-e a vanaa co nɔm biilu le-a coo. Kani a co vanaa nɔmnda ɲɔɔn poondiaa o laba, a co nda mɛiyo fondo fúú, a co lɛŋnde ndalen tɛɛmbuuo.

Aasee 2:22

I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.

Esai 34:2

Kani kɔltuw Mɛlɛka-o co hulɔn vanaa-mangalaa-isɔɔa kpede coo, kɔltuw ndɔɔ co cucɔn vanaa ndaa cɔwva kpow coo. O kelu yamɛi ndɛi le nda diwvo faw, o co hunɔɔ nda vɔm mo diw nda kpede.

Esai 63:6

O kon, mí nɛw vanaa súúla celennda a labɛngu o kɔl ni tuwvo nin, mí mingi nda yingo-yingo o kɔl ni fulaa nin, mí taaliaa kooma ndan lɛŋ.»