Sofoni 3:7 - BII BILA

⁷ O kon mí yiyan maa o laan nin, a kenin ya bɛɛlen, a cɛlnin silala nilan, o kon calta ndalan la tembunin te. Àá! Mbɔ̀ i soŋ nda bɔɔ!› Kɛ nda, idii púŋ nda laasiaa dɛnnda ndalan a yɔŋ vɔɔn nda tosa-o ni.

Sofoni 3:7 Referans Kwoze

Osee 9:9

La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Sofoni 3:2

O tui Mɛlɛka diom te, o cɛl kanalannda ndɔlan te. O laalan Mɛlɛka ndɔɔ le, o sɔɔnguu Hala ndɔɔ ikɛi le.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Yeremi 7:7

mɛɛ i kɛsinin niaa o fonda kon, o lɛŋnde ya yɔngu fuɲaa niaa mamaa le lɔ́ɔ́-lɔ́ɔ̀ a lɔ́ɔ́-lɔ́ɔ̀ len nin.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Yeremi 38:17

O kon mí Yeremi dimul ndu Sedekia aa: «Diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: Te nɔm pila a yungu nɔmndo kɔ yɔngun pɛ masaa Babilɔn, a sɔlanin baŋaa, kobio ho tembunin vɛlɛ o leyin nin te.

Yeremi 8:6

I co nilan yaŋɔɔ yékén o sɔɔn ndan: a co isɔɔ mɛɛ nda bɛnda le sɔɛi yɛ le. Vana-vana co dɛnɛ vɔɔn ndɔɔ malɔɔ le, a co ɲunaa aa: ‹Yɛɛ ya tosa yɛ hoo?› Mɛɛ nda co kpede, vana-vana muungu kiltan a yeemɛi maa so co ɲaanɔnndo a yeemɛi le kɔlan o cɔwvo-o.

Esai 63:8

Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.

Esai 5:4

Yɛɛ nɛ ndóò lo yɛ vɛlɛ le tosaa o nakɔ nuu nin o ya tosa lenin too? Le yɛɛ nɛ ya va yɛ tiindanndo maa o co rɛsɛŋun kɛndɔn komɔɔ, kɛ mó koam rɛsɛŋun vɔɔnndon?

2Dɛnnda lemasalan 33:11

O kon, mí Mɛlɛka viam simlacia vanaa cɔvaa masaa Asiri-a, má del nda coo a cɔwvo, má bii Manase. Má vow ndu ciliŋun tundanndon, má yii ndu a yɔlɔn n'daɲan, má kɔa a ndu Babilɔn.

Tɔŋ miingua 4:16

Le hee, la laasian mì la cɔw piɔmnda le, la tuula ɲɛ-ɲɛ le. La cɔaw ɲɛ-ɲɛ a velan vanapɔnɔɔ te kon te a velan vanalanɔɔ le.

O Kandɔɔ 6:12

Mɛɛ Hala tofa vanndacieea o ceendo coo, mó ca nda a laasiannda kpow, kani vana-vana va kelaa o yɔŋ vɔɔndo nin.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

SƐBƐ YƆB-O 36:10

Ò yondal nda le nda kɔllo kindio, mò dimul nda le dɛnɛ vɔɔndo malɔɔ.

Condii lisai 32:8

Mɛlɛka dimul-la aa: «I pɛɛkunin nɔm, mì cɔm nɔm nɛi n bɛnda le kelaa coo-o. I silanin nɔm, mì landu hɔlla nɔm coo.

Talelan 19:20

Tuei silaa mà cɛl pɛɛkoo, o kon a sɔla kɔlkaloo.

Yeremi 6:8

Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Yeremi 17:23

A tui ya diom te, a yeŋ ya lani le, má kindi nilan, a cɛl le nilan yaŋɔɔ ma sɔla pɛɛkoo le.