Sofoni 3:5 - BII BILA

⁵ Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.

Sofoni 3:5 Referans Kwoze

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Cɛɛŋɔnnda Yeremi lan 3:23

Idii oo idii, vanakɛndɛyɛi ndɔɛi a ɲíí ndɔɛi muungu n'sɛnɛi. Mɛlɛka, Vana lo o diomden coo-o kpeekpeiyo n co ni.

Condii lisai 145:17

Mɛlɛka sandu o nɛila ndɔlan kpow coo, o lo o lediom coo o dɛnnda o co tosaa lan kpow nin.

Sofoni 3:15

Kani Mɛlɛka faŋa dɛnɛ palaa ndóò tuu le niaa tuisio coo-o, o tow yaamɔaa niaa polon. Mɛlɛka, o co masa Israɛlla-o co niaa tɛɛn. Lelan siòòŋii bii lɛnin niaa le dɛnɛ palaa le.

Esai 28:19

Telen oo telen kpundɛ kon del pɛ, o komalnin niaa, kani o vanin tosanndo idii oo idii, o vanin tosanndo paalen a ɲumndan. O vanin dɛnɛ isiòòn bɛndu-bɛndoo le yoongu kpundɛ kon nɔ-o biyɔɔ bila.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Tɔŋ miingua 23:14

Vana cɔw oo vana cɔw bɛnda mò nɔ dɛndɛ pɔmbɔɔ o pilɛ o volɔɔla ndɔla cɔwlan nin. O kon, te solɔɔ bii ndu pɛ, o kɔ tow soondo o fondokpa kon a dɛndɛ kon, o sol lenin. O cii pɛ, o mingi poola lan kumbɔɔ.

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Sakari 2:5

Mɛɛ ya heelu hɔlla, mí ca vɛlɛ vundule celen: langbanɔɔ pum va isisi a yoole tuvaalen o ba.

Condii lisai 37:6

O cɔmnin sandii nɔmnde vakpa maa ɲɛ-tengaa paale siaa, mò cɔm dɛnɛ sandaa nɔmndo mɛɛ ɲɔɔ tenga a paale kálà-kálàlen nuaa yɛ.

SƐBƐ YƆB-O 34:10

Lelan, la yaŋ ya nilan, niaa vanaa kɔlkalua. Hala nɔla pá mò tosa dɛnɛ kɔlvesɛiyo? Ndu Vana-Kpaayaa tosà pá dɛnɛ sendu loo?

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Luke 12:2

Ɲɛ-ɲɛ co o kumbaa, o fulanin ceen kpendekele. Ɲɛ-ɲɛ co vɛlɛ o vianaa, vannda sinanin ndu.

Sofoni 2:1

«Éé niaa vanaa nɔ haa lasiɛmbu le-a! La muungu o niaa pila nin. La mɛɛndian kɔlta niaalan,

Habakuk 1:3

Le yɛɛ n co yɛ ya dɛnɛ vɔɔndo cɔmndo? Vɛ́ ma va delɔɔcoo ho tofaa? Delɔɔcoo a dɛnɛ vɔɔndo kínɛí ya co cɔu vanaa balu ya-a tɛɛn ni. Sɛɛngianndan a sɔngɔlan la co bɔɔ tosanndo!

Misee 7:9

Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Esekiɛl 48:35

Balɔɔ pindo ɲɔɔ vanin dunndo vaalan tɔ́ a laŋɔmaa (18 000), kandɔɔ ɲinkon, kobio nɔnin diolan aa: «Mɛlɛka co nanu.»

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Esai 50:4

Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Esai 33:2

Éé Mɛlɛka! Tuinun naa iɲíí yandi, nɔm naa n tiindan ni. Va vana mala naa idii oo idii-o, va vana baŋa naa o palɛi sangɛi nin-ndo!

SƐBƐ YƆB-O 8:3

Vɛ̀ɛ̀ Hala cɛ̀l pá le dɛnɛ sandaa tundɔɔ? Vana-Kpaayaa-Kpow mangalà pá dɛnɛ connun sakpo-o?

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

SƐBƐ YƆB-O 7:18

Le yɛɛ nɛ n co yɛ hɔlla mulio o ndu lo idii a icɔl? Le yɛɛ n co yɛ ndu kɔlɔɔ solio tuma-tuma?

Condii lisai 92:15

A vanin kɔmnden o yuuvɛi ndɛi nin, a naŋnin mà pui ɲɛkɛndɛi.

Esekiɛl 18:25

La co dimio aa ɲɛ Maalii co tosaa-o sendu le! Ava, mɛɛ la yaŋ-ndɔ nilan, niaa cuavaa Israɛlla! Vɛ̀ɛ̀ ɲɛ ya co tosaa-o sendu le ni baa dɛnnda niaa co tosaa lan la sendu le ni?

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Sofoni 3:13

O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»

Osee 6:5

Lelan ya co kei a vanaa-tɛɛngaa-diom Hala-a ni, mì tuisi niaa sangalan coo. Lelan ya diwnin niaa a sɔɛi fulanin ya o sondo-e ni. Yamɛi nii tenganin vakpa maa ɲɛ-tengaa lepala.