Sofoni 3:4 - BII BILA

⁴ Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.

Sofoni 3:4 Referans Kwoze

Esekiɛl 22:26

Vanaa-solia-lasálàà ndɔa co tɔŋ nuu tɛɛmbuuo, a co kasio delɔɔ o cɛila-kolala-toandaala ndala diandaalan nin, a sina pɛngulan ɲɛ co o solian sálà-o a ɲɛ co o solian sálà loo tɛɛn te. Lelan, a cɔmnin sɛyanndo ɲɛ co o diandaa-o a ɲɛ co o nɔɔlɛiyo-o tɛɛn te. A co hɔlaa ndaa faŋaa o palɛi nii pɛngiɛi coo, a cii ya bɛ̀ɛ̀lan nda tɛɛn few-few.

Malasi 2:8

Kɛ niaa, la mal nɛi kon, mí la luei vanaa bɔɔ-bɔɔ o pɔwlan nin a dɛnɛ tɔŋndo o kɔɔ. La cii kpema ya yii a Levii-o tɛɛmbuu. Ya Mɛlɛka-Nɔ-Kpaayaa-Kpow-vo soaa nuaa ni.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

2Korɛntea 11:13

Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

1Samiɛl 2:22

Helii ndóò yuuva nin taw, mó tuɛi ɲɛ poaa ndɔa va tosaa a Israɛlla-o, mó tuɛi vɛlɛ maa a va hinilan a vanlaandua va hunɔɔ baalaa tosaa o Cɛi-Hala-o sondoo-a.

Masaa kialaa n'yamaa 9:4

Má ke ndu volin latámán belaŋɔmmɛw, volin nda cua o máán Baal-Berit-o coo-on. A volin mun Abimelɛk luɛi poambɔa poopooa a vanaa kelannda nin ni le simndan ndu kɔɔli.

Yeremi 34:19

I malnin vannda ha yaamɔaa ndaa o ba: simlacia Yuda a haa Yerusalɛm, vanaa bɛndua, vanaa-solia-lasálàá, pilacieea lelɛŋaa kei o bungan miuŋun naw sálà kon tɛɛn-nda kpow a vanaa co o lɛŋnden nin má kei o bungan visin naw téndé kon tɛɛn-nda kpow.

Esekiɛl 44:23

Vanaa-solia-lasálàà kan pɛɛkunin vanaa nia le yɛ́-yɛ́ɔ sinaa ɲɛ dindin le vali Mɛlɛka-o a ɲɛ co le vali Mɛlɛka loo tɛɛn, a cɔmnin nda hiyanndo ɲɛ dindu loo a ɲɛ dendu-o tɛɛn.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Esekiɛl 22:6

Tofa vɔ simlacia Israɛlla, vana-vana co dɛnndan tosaa o nɔm ndo a kpaaya ndɔɔ le vanndacieea diwvo.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›