Sofoni 3:2 - BII BILA

² O tui Mɛlɛka diom te, o cɛl kanalannda ndɔlan te. O laalan Mɛlɛka ndɔɔ le, o sɔɔnguu Hala ndɔɔ ikɛi le.

Sofoni 3:2 Referans Kwoze

Yeremi 22:21

Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Esai 43:22

«Éé niaa cuavaa Yakɔb-a, la piɛi ya le few! Kpòkóó Israɛlla, mbɔ̀ la sanga a dɛnɛ nuu fɔ́!

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Talelan 5:12

O tosan yɛ pɛ lende, a diminin aa: ‹Ko le yɛɛ nɛ ya kɛɛ yɛ le silaa biyɔɔ? Ko le yɛɛ kpeekpei ya pɛɛsa yɛ kanalan nda va ya-o o kɔl nuu nin?

Condii lisai 78:22

Kani ndáà laalan ndu Hala le, ndáà laalan te maa o va nda baŋa.

Condii lisai 73:28

Kɛ ya ya, dɛnɛ kɛndɛ nuu, ndu co lou nɔm Hala o ibuŋ ni. Nɔm Maalii, nɔm co Mɛlɛka-o ya tiindan ni, i cɔmnin vannda dɛnnda nɔmndan kpow.

Condii lisai 50:17

Niaa yɛ, la yeema sila tueyɔɔ le, la co sɔɔn nun kɛɔ few-few.

Condii lisai 10:4

Vana kɔlvesɛiyo co sɔɛi a Mɛlɛka, o co dimio aa: «Hala yɔŋ vana ɲɛ le tɛɛmbuu le. Hala co le!» Yiyannda ndɔlan kpow la co lan ni.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Yeremi 35:13

«Soo niko o vannda Yuda a o haa Yerusalɛm-ndo, mà dimul nda aa: Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: Vɛ̀ɛ̀ la nɔla sila nuu cɛlɔɔ mì la bii sɔɛi nii le?» Sɔɛi fula Mɛlɛka o sondo-e co ken ni.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

2Timote 3:16

Diom oo diom co o sɛvaa o sɛbɛ Hala-o nin, Hala tosa ni mó sɛvan. Diomnda lan la sɛvan le vannda pɛɛkoo, le nda toɲaa dimullo, le nda mingio o nɛi a le nda silaa o dɛnɛ sandaa nin,

Yeremi 13:25

Ɲɛ co nɔm Yerusalɛm cumndo-o co kon ni, o ya kɛsul nɔm-ndo pɛɛn. Sɔɛi fula ya Mɛlɛka o sondo-e co ken ni, kani a pɔɛɛnun ya, má kɔngan halaa fondoa.

Esekiɛl 22:24

«Po vanacieo, dimul Yerusalɛm aa lɛŋnde diandaalen le co ni, piɔɔ se ndu coo mó pɔɔliaa ndu o paale kɔltuwlen coo le.

Esai 9:12

Kɛ vannda ha muungu Mɛlɛka va nda sanga kon tuisio coo-o o ibuŋ te, a muli hɔlla o Mɛlɛka-Nɔ-Kpaayaa-Kpow-vo lo le.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.