Sofoni 3:19 - BII BILA

¹⁹ O telen kon, i saangiaanin vanaa tósal niaa dɛnɛ vɔɔndo-a kpede. I cɛwnin saa laandua namtaa mà cinda, i minginin a nda sɛŋi-a cuungiaa nɛɛ pilɛ. I siinguunin yungu nuu vanaa tɔ́ɔ́ bɛndu-a a vanaa bɛndua o lɛŋii nda vanin o siɛmbulan nin-nde kpow nin.

Sofoni 3:19 Referans Kwoze

Esai 60:14

Poaa vanaa co nɔm saangiaa-a a hunnin mà tundun nɔm o labɛngunin. Vanaa va nɔm tɛɛndanndo-a kpow a hun baŋnin vulan nɔm o labɛngunin. A veelunin nɔm aa kobi Mɛlɛka-o Siɔn co le O-Diandaa Israɛlla-o.

Yeremi 30:16

Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.

Sofoni 3:15

Kani Mɛlɛka faŋa dɛnɛ palaa ndóò tuu le niaa tuisio coo-o, o tow yaamɔaa niaa polon. Mɛlɛka, o co masa Israɛlla-o co niaa tɛɛn. Lelan siòòŋii bii lɛnin niaa le dɛnɛ palaa le.

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Esai 61:7

O fonda siɛmbulan láà tol niaa-o, la sɔlanin salaa bɛmbɛ lediin. O fonda niáà tambu bɛ̀ɛ̀lan-ndo, la dɔawnunnin ɲaale taw-taw. Lende nda sɔlanin salaa bɛmbɛ lediin o lɛŋnde ndalen nin ni. Kɔlkɛndɛ niaa vanin le fɛɛn a fɛɛn.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Hebreea 12:13

La toosiaa nɛila sandaalan le pelun niaan, haliko vana co tindaa-o mal nɛiyo le, kɛ mò sengu.

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Esekiɛl 39:26

O kon, a pɔɛɛnunnin siɛmbula kei nda coo lan, mà pɔɛɛnun a nila kalula ndáà tosal-la lan kpede. A calnin o lɛŋnde ndalen nin o nila ɲulu nin, vana-vana hin ndɛnin nda kɔltan hiiluu le.

Dɛnnda cɔɔmuanndan 20:9

Má fula o lɛŋnden coo ba-ba fee, má tiila dɔ́ɔ́ngɔ́ vanaa diandaa a kobi Hala kaola taw-vo. Kɛ mí yinnden lepum le toal fulaa o halataala, mí le cii nda.

Yeremi 46:28

Nɔm Yakɔb vana ni baala, siòòŋii bii lɛ nɔm te, kani i co nɔm ikɛi. I ciinin vanaa-mangalaa-isɔaa niaa kɔ cal tɛɛn telen yáà tow niaa-o-a. Kɛ nɔm, i ciinin nɔm te. I tuisinin nɔm sangaa coo le nɔm silaa o sandei nin, i melnin nɔm kɔnndan lende le.»

Esai 62:7

La mal ndu (Mɛlɛka) mòo pɛngi le, háá fɔ mò mingi Yerusalɛm toosiaa, mò siinguu ndu ɲɛ vana lisa-o o lɛŋnden coo.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Esekiɛl 16:27

Le hee, mí tuisi ba nuu le nɔm soŋɔ̀ɔ́, mí poonda ɲɛdiaa nɔm o ba, mí mal nɔm yaamɔaa nɔmnda o ba, kobila Filistia pɛɛn, kobila siɛmbulan láà bii le suunda nɔm bɛndu-bɛndoo-a.

Esekiɛl 16:57

kɔlvesɛi nɔmndo ndóò fula vɔ ceen te. Lelan, nɔm bɛɛ telen nɔmndo tiiya, Aram a cieon balu ndu-on n co nɔm yeowlan, Filistii a cieon ndɔn bɛɛ n co nɔm bɛ̀ɛ̀lan tɛɛmbuuo.

Esekiɛl 39:13

Vanaa co icali (Israɛl) lon-nda kpow a sɔɔnguunin le nda kumbɔɔ. Nduyɛ tɔ́ɔ́ bɛndoo kelanin paale ya cɔmnin biilu nuu ceen-nden. Ya Maalii, ya co Mɛlɛka-o soo nuaa ni.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Tɔŋ miingua 26:19

haliko mo siinguu niaa vanaa bɛndua o vanaa-mangalaa-isɔɔa o cɔw-va kpow tɛɛn, mì la sɔla biiloo, diolan a bɛɛlen, mì la va yungu diandaa le Mɛlɛka Hala niaa maa mɛɛ ndu pila dimul niaa yɛ.»

Masaa kialaa n'yamaa 1:7

Mí Adoni-Besɛk yonda coocoo aa: «Masaa belaŋɔmmɛw, a nda kili suon bɛndun laban a suon bɛndun labɛngon-nda va kúúon cɔwviaa nɛɛ yáà dia ɲɛdiaa-a ni. O ya tosa-o, ndu kpafii Hala mingul-la nuaa ni.» Má kɔa a ndu Yerusalɛm, lon o kɔ vu ni.

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Yeremi 30:19

Vana lonin kɔɔlikɔɔli mà tuei nda condon a yoondiaala kɔlkɛndɛ lan. I kuinin nda taw, a dɔɔnannin te, i siinguunin nda vanaa sɔvɛa, vana kilunnin nda yii le.