Sofoni 3:18 - BII BILA

¹⁸ maa mɛɛ vana naŋ kɔl o paale kafolen coo yɛ.› I faŋa hau dɛnɛ palaa va niaa coo-o a siɛmbula va niaa coo lan.

Sofoni 3:18 Referans Kwoze

Esekiɛl 36:24

I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.

Cɛɛŋɔnnda Yeremi lan 1:4

Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!

Sofoni 3:20

O telen kon, i minginin niaa nanu. A toɲa, i minginin niaa nanu mì siinguu niaa vanaa tɔ́ɔ́ bɛndu-a a vanaa bɛndua o vanaa súúla celeŋaa co o lɛŋnden coo-a kpow tɛɛn. I tosanin kon tuma ya mangalanin dɛnɛ niaa niaa pila o hɔl-lo. Dion ya Mɛlɛka soo-o co kon ni.»

Osee 9:5

Yɛɛ niaa tosa yɛnin o paale bɔɔŋian lekaando coo a o paale kafole Mɛlɛka len coo?

Esekiɛl 34:13

I solinin nda vanaa súúla celennda tɛɛn, mì soli nda o lɛŋnde nin, mì mɔɔsiaa nda, mì mingi nda o lɛŋnde ndalen nin. I dɔawnin nda balo o pembon Israɛl coo, o peelan kɔngɔ a o fondala vana nɔla calle nin o lɛŋnden nin-ndan nin.

Cɛɛŋɔnnda Yeremi lan 1:7

Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Condii lisai 43:3

Cuu ɲɛ-tengaa nɔmndo a toɲa nɔmndo, mì la cɔm ya nɛiyo, mì la yɛɛ ya o pembii nɔmii diandɛi coo a o calta nɔmndan.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.