Sofoni 3:16 - BII BILA

¹⁶ Paale len, vannda vanin dimio Yerusalɛm aa: ‹Siòòŋii bii niaa le, niaa vannda Siɔn, la vu n'dial te.

Sofoni 3:16 Referans Kwoze

Hebreea 12:12

Lelan la siɛndi bala niaala sangɛilan, mì la simi vula co niaa ɲiiyaa lan.

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.

Efɛsea 3:13

Lelan, i co niaa tɛɛlɔn, la vu n'dial le sanga ya co sɔlaa le niaa-o le, biilu niaa co kon ni.

Esai 44:2

Mɛlɛka toosiaa niaa-o, vana cɔw niaa kabi o dembelan nin mó va niaa malaa-o dimi aa: «Siòòŋii bii niaa le ɲɛ-ɲɛ le, niaa cuavaa vana ni baalaa Yakɔb-a, niaa polale Yesurun-nde ya hɛli len.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Nsaŋ 12:12

Diimandɔɔ, mɛɛ sɛ́lɛ́ bɛndu óò hin le kafo hiavaa coo-o tuei maa Yeesu co kɔlan Yerusalɛm,

Sakari 8:15

Sisa, i mangala yiyan kon, i co Yerusalɛmnda a Yudaa kpow dɛnɛ kɛndɔɔ tosal. Lelan siòòŋii bíì niaa le.

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

SƐBƐ YƆB-O 4:3

Tofa vɔ, nɔm va hoo vannda taw silaa-o, nɔm va hoo vanaa yoomuan ma cuu-a yoomuan lueiyo-o,

2Korɛntea 4:1

Lelan, le tùú Mɛlɛka tuinun naa iɲíí, mó ke naa vallo ho le tosaa-o, n vunnun n'dial te.

Esai 25:9

Vannda diminin paale len aa: «La tofa vɔ Hala naa!» O ndu coo naa n kɛsi kɔllo ni, ndu baŋa naa ni. Ndu co Mɛlɛka ni, ndu naa n handu laalan naa coo ni. Lelan, n naŋnun kɔl mì n dɔwnun ɲaale le cinda o nɔ-o.

Yɔɛl 2:21

Niaa vanaa co o lɛŋnden coo-a, la yɔŋ isiòòn te, la dɔwnun ɲaale mì la naŋ kɔl. Kani Mɛlɛka co sɔɔn bɛndon tosaa.

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.