Sofoni 3:15 - BII BILA

¹⁵ Kani Mɛlɛka faŋa dɛnɛ palaa ndóò tuu le niaa tuisio coo-o, o tow yaamɔaa niaa polon. Mɛlɛka, o co masa Israɛlla-o co niaa tɛɛn. Lelan siòòŋii bii lɛnin niaa le dɛnɛ palaa le.

Sofoni 3:15 Referans Kwoze

Esai 51:22

Nuaa Maalii nɔmndo, Mɛlɛka Hala nɔmndo, o co buŋnde lɔɔnɔnndo le vanaa ndɔa-o dimi ni aa: «Tofa vɔ, i cua taala kólaa hɔlaa hiŋaa nɔm o ba, ɲɛ co o taala kólaa kɔl ni tuwvo nin-ndo, a kol-lɛnin ndu le!

Esekiɛl 39:29

Handɔɔ o kon coo, i vin ndɛnin nda hɔlaa niaa le, kani i saŋnin kɔl nuu cuavaa Israɛlla coo. Ya Maalii, ya co Mɛlɛka-o soo nuaa ni.

Sofoni 3:5

Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.

Amɔs 9:15

I tɔalnin nda o lɛŋnde ndalen coo, à nɔla lɛnin sungɔnndo o lɛŋnde ya yɔngu nda len coo le fɛɛn a fɛɛn te. Lende Mɛlɛka, Hala niaa dimi ni.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Sakari 14:11

Vannda calnin Yerusalɛm lon, kɔngɔlan ve lɛnin kobio kɔɔli le ndu tɛɛmbuu le, o vannunnin nila ɲulu.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Esai 33:22

Kani Mɛlɛka co vana kialaa n'yama naa ni, ndu co vana yɔngu naa tɔŋndan-ndo ni. Mɛlɛka co masa naa ni, ndu co vana naa ciindiaa ni.

Condii lisai 85:3

A faŋa tɛɛmbuula vanaa nɔmnda, má mal nda haki a hakila ndalan kpow.

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

Nsaŋ 19:19

Mí Pilate dimi maa a sɛva o pɛngɛi pɔmbɔɛi pum coo aa: «Yeesu fula Nasarɛt-o, masa Yuifia.»

Nsaŋ 12:15

«Siòòŋii bii niaa le, niaa vannda Siɔn, la tofa vɔ masa niaa hunɔɔ, o co icali o sofɛlɛ téndóó coo.»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Habakuk 2:17

Dɛnnda vɔɔnnda niaa tosa Liban-ndan la mingulunnin niaa pila: la diw visia mí la tɛɛmbuu lɛŋnden, kobilan a vanaa va lenin-nda kpow.

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Esekiɛl 48:35

Balɔɔ pindo ɲɔɔ vanin dunndo vaalan tɔ́ a laŋɔmaa (18 000), kandɔɔ ɲinkon, kobio nɔnin diolan aa: «Mɛlɛka co nanu.»

Esai 65:19

I siinguunin Yerusalɛm kɔlkɛndɛ nuu, i siinguunin vanaa niaa ɲaale nuu, vana tui lɛnin vɔkɔ-vɔkɔ lacaŋndo a vɔkɔ-vɔkɔ somisomianndo lon te.

Esai 54:14

Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

O Kandɔɔ 30:23

O kon, mó cua folio, mó vialu hɔ́ɔ́ piaandoo. Mó dimi aa: «Hala faŋa ya siɛmbulan.»

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Habakuk 2:8

Le tùú niaa poondiaa lɛŋii bɔɔ-bɔɔ ɲɔɔn o laba-o, niaa bɛɛ, lɛŋii tɔ̀ɛi poondiaanin ɲɛm niaan le vanaa niaa diw-va, le kafala niaa tosa o lɛŋnden nin-ndan a le delɔɔ niaa del kobio a vanaa co lenin-nda coo-o.

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Nsaŋ 5:30

Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Condii lisai 19:9

Silala Mɛlɛka lan la sandu, la yɔ̀ngu vana ɲaaloo o kɔl. Tɔŋnda Mɛlɛka lan la dendu, la mala vana le dɛnndan cɔu ɲɛkɛndɛi.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Esekiɛl 35:10

Kani a dimi aa: «I hialunin masɛi ŋiiŋii ken, Israɛl a Yuda, lɛŋii Mɛlɛka co ken nin-nde pɛɛn.»

Condii lisai 149:2

Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

Esai 52:9

Lelan, niaa bémbélan Yerusalɛm, la vɔnga latulu mì la viow kponyoo a kɔlkɛndɔɔ! Kani Mɛlɛka co vanaa ndɔa ɲɔɔloo, o co Yerusalɛm baŋaa.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Esekiɛl 36:15

I mel-lɛnin vanaa-mangalaa-isɔɔa ma yeow nɔm ma cii nɔm bɛ̀ɛ̀lan te. Vanaa súúla celennda tuisi lɛnin nɔm siɛmbulan te, nɔm bɛɛ a tuŋ ndɛnin vanaa nɔmnda cuawva le. Ya Maalii, ya co Mɛlɛka-o soo nuaa ni.»