Sofoni 3:14 - BII BILA

¹⁴ «Lelan, la yonda a kɔlkɛndɔɔ, niaa vannda Siɔn. La deŋi a ɲaale bɛndoo, niaa Israɛlla. La naŋ kɔl mì la viow kponyoo taw, niaa vannda Yerusalɛm.

Sofoni 3:14 Referans Kwoze

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Misee 4:8

Kɛ nɔm, pembei Yerusalɛm, nɔm co hoo maa bàndó le lɛŋnden kpalillo-o, o lo cobe ma muungu o masale nɔmnde paandulen coo. Yerusalɛm siŋnunnin vɛlɛ kobi lebollo le masalen kpow.›»

Esai 54:1

«Viow kponyoo, nɔm vanalanɔ bɔlɔkɛɔ, nɔm vilu cua loo! Viow kponyoo a yoondiaalan mà dɔwnun ɲaale, nɔm dembe vialaa nɛi hoo loo! Kani cuavaa vanalanɔ malnanndo vanin sɛ́lɛ́ mà hiow cuavaa vanalanɔ co o nɔu-vo.» Lende Mɛlɛka dimi ni.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Esai 35:2

O kumbunnin mɔku-mɔku a punga billo, mò yɛkɛlan a kɔlkɛndɔɔ, mò viow kponyoo a condon a yoondiaala kɔlkɛndɛlan. Naŋɔɔ Liban-ndo yɔngunnin ndu, naŋɔɔ pembei Karmɛl-lo a naŋɔɔ dɛɛlaa Saron-ndo kennunnin ndu. A canin biilu Mɛlɛka-o ciŋ, a mɛɛndannin naŋɔɔ Hala naa.

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

Condii lisai 14:7

Kpòkóó! Màá cindaa fula Siɔn le Israɛl telen Mɛlɛka solinin vanaa ndɔa o cɛlen nin-ndo fɔ́! Yakɔb vanin a kɔlkɛndɔɔ, mì Israɛl dɔwnun ɲaale.

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Yeremi 31:13

O kon cuaambɔa laandua vanin yolan a ɲaaloo, felengia a bɛndua yuuvɛiya dɔawnunnin ɲaale latulu. I minginin mɔnɛi ndɛi ɲaaloo, mì ɲɔɔlu nda. I yɔngunin nda kɔlɲulu bɛndoo o dɛnɛ paalaa kɔɔli.

Yeremi 30:19

Vana lonin kɔɔlikɔɔli mà tuei nda condon a yoondiaala kɔlkɛndɛ lan. I kuinin nda taw, a dɔɔnannin te, i siinguunin nda vanaa sɔvɛa, vana kilunnin nda yii le.

Condii lisai 97:8

Vannda Siɔn tuɛinin ken mà dɔwnun ɲaale, kobila co o tàndá Yuda-o nin-ndan la naŋnin kɔl le yaman Mɛlɛka kialunin-ndon.

Esai 37:22

Tuei-yɔ diomnda Mɛlɛka dimul ndu lan: «Kobio Siɔn co nɔm tɛɛndanndo mo va nɔm mamɔɔ. Vannda Yerusalɛm a co nɔm mamɔɔ a bollen hiiloo!

Esai 40:1

Hala niaa dimi aa: La ɲɔɔlu vanaa niaa! La tamala le dɛ!

Condii lisai 149:2

Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Esai 52:9

Lelan, niaa bémbélan Yerusalɛm, la vɔnga latulu mì la viow kponyoo a kɔlkɛndɔɔ! Kani Mɛlɛka co vanaa ndɔa ɲɔɔloo, o co Yerusalɛm baŋaa.

Yɔɛl 2:23

Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.