Biblia Todo Logo
Bib sou entènèt

- Piblisite -




Sofoni 3:13 - BII BILA

13 O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»

Gade chapit la Kopi




Sofoni 3:13
46 Referans Kwoze  

Nduyɛ vànà seelun lacòòva nda o sondo le, a nɔ isɔw le.


Vanaa lonin yoomu o polale Yuda len ninnd-a, nda nɔnin tándàla lan ni. Lon nda vanin cɔlua ndaa yɔɔ diólan ni. Icɔl, a vanin pɛngio o cɛilan nin Askelɔn, kani Mɛlɛka Hala ndaa yiyannin nda coo, mò mangala dɛnɛ ndaa hɔlaa celen.»


I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.


Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.


Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.


Vannda piawnin kobilan Aroɛr, mì la malnun cɔlua o ba, mì la siŋnun bɛ̀mɛ́lta ndalan. Lon nda vanin hinilan pɛngio ni, vana-vana venin le nda vueinɔnndo le.


Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»


O kon, a pɔɛɛnunnin siɛmbula kei nda coo lan, mà pɔɛɛnun a nila kalula ndáà tosal-la lan kpede. A calnin o lɛŋnde ndalen nin o nila ɲulu nin, vana-vana hin ndɛnin nda kɔltan hiiluu le.


Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.


Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»


I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.


Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.


Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.


Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»


N sina maa vana-vana velun pɛ o Hala nin, ndu hiw lɛ laci a hakio tosaa le. Kani Po Hala-o co ndu kandaa, Vana Vɔɔndo nɔ lɛ kpaaya ndu coo le.


La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.


La dimulan còòlan te, kani la cii vanacieeyɛi niɛi paanduei malɔɔ a kaala ndɔlan,


Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,


Sim vanaa nɔmnda laci a tinda vana mandaa n'saa o ba, vanaa co kɛ́ nɔmndo-a pɛɛn. À co nda pilɛ kpé yondoo nin, o tɔlɔɔla iyɔmndan tɛɛn. Mɛɛ n tosa lɔ́ɔ́ kon a nda yɛ, kɔ a nda o yondola puiyaalan Basan nin a o lan o tàndá Kalaad-o nin.


Dɛɛlaa Saron vanin nɛɛ cɔlua pɔmbɔa vanin kɔlan billo dioo-a ni. Bóllo Akɔr vanin bɛ̀mɛ́lta cɔlua bɛndua ni, le vanaa niaa nuwviaanin ya-a.


Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.


A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.


O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»


A co dɛnɛ vɔɔn tosa le, kɛ a co kelaa o nɛila Hala lan coo.


O yambù ya o yondo puiyaa coo, o kɔa a ya o mɛmma co biiŋɔn te-an ikɛi.


I lueinin kɔlɲuloo o lɛŋnden nin. La hini pɛ, ɲɛ-ɲɛ kpeeŋiaanin niaa le. I ciinin visia biyaa o lɛŋnden nin, a vɛlɛ cɔwvo luei lɛnin o lɛŋnde niaalen nin te.


Tuma n vannunnin pɛngio-o, vana-vana tɔɔndannin le nɔm kpeeŋiaa le. Vannda taw a kindinnin le nɔm hɛnanndo.


Mɛlɛka, baŋa ya vanaa lacòòvaa a vanaa huiyaa n'vannda o ba.


Sanga yɛɛ Hala tuisi yɛnin niaa coo, niaa vanaa co haa vannda huiyo-a?


Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.


Le hee, Ya Mɛlɛka soaa nuaa ni, I co muungoo Yerusalɛm, i co hunɔɔ vɛlɛ calle o kobio Siɔn nin. Yerusalɛm sɔlanin diolan aa Kobi lo o lediom coo-o. Pembii Mɛlɛka-Nɔ-Kpaayaa-Kpow-vo i veelunnin aa Pembii Diandɛi.


La tuei-yɔ ɲɛ niaa bɛnda le tosaa-o la dìmulán toɲaa vellaa-velle, la kiolu yamɛi o sandei nin mì kɔlɲuloo luɛi.


O kon, mí masale Yosafat len le sɔla kɔlɲuloo, mí Hala luei ndu kɔlɲuloo tɛɛn a lɛŋii ndíì balu ndu-e kpow.


I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.


Swiv nou:

Piblisite


Piblisite