Sofoni 3:12 - BII BILA

¹² I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

Sofoni 3:12 Referans Kwoze

Esai 14:32

Yɛɛ nda mulul-lɛnin vanaa lɛŋnden le vem-nda? A mululnin nda aa: Mɛlɛka pila cɔw Siɔn ni aa: vanaa co o sangaa nin o vanaa ndɔa tɛɛn-nda a sɔlanin nɛɛ viannannda lon.

Nahum 1:7

Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Rɔmnda 15:12

Mí Esai bɛɛ dimi aa: «Cua imama Yisai-yo hunnin, o cannin le masalen tosaa vanaa-mangalaa-isɔɔa coo-o. Vanaa-mangalaa-isɔɔa kɛsinin ndu kɔllo coo.»

Matie 12:21

O kon vanaa-mangalaa-isɔɔa kpede a sɔlanin tiindanndo o diola ndɔlan.»

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Sakari 11:11

Mí kpema kon tambu ɲinkon. Mí yulaa n'saa va ya mɛɛndanndo-a bii bila maa sɔɛi Mɛlɛka-e va tɛɛngɔn kon a dɛnnda nilan ni.

Condii lisai 37:40

Mɛlɛka co nda malaa, o co nda baŋaa. O co nda hiɔlɔɔ vanaa kɔlvesɛiya o ba. O co nda ciindiaa le tùú nda vennun ndu o ba bɛngu-o.

Esai 14:30

Vanaa hiow bala fondolan kpow-va a sɔlanin ɲɛdiaa ndaa, vanaa ikɔɔa vannunnin icali nila ɲulu. Kɛ i tosanin mì dumbulen le vi a yiaan, o kon, ɲɛ-ɲɛ lo pɛ yoomu o niaa tɛɛn, kon sɔlanin piɔ́mndo.

Sakari 11:7

«O kon, mí va saa va le diyɔɔ-a yɔɔ diólan, saa yulaa n'saa ndáà nɔle diyɔɔ-a. Mí cua tindala mandaa n'saa lan tan tiɔn, mí ke o pilɛ diolan aa «Canyɛi», o pilɔɔ aa «Diom pilɔɔ.» Mí va saa yɔɔ diólan.

Ɛsdras 9:8

Kɛ nduyɛ, o co vɔ lɔ́ɔ́ levil te, mí nɔm Mɛlɛka Hala naa tosal naa kɛndɛi, má mɛi vannda pum yoomu o vanaa naa tɛɛn, má mingi nda vɛlɛ le calle o lɛŋnde nɔmnde diandaa len coo. Hala naa, nuaa n cɔm naa ɲɛ-tengaa ni, má yɔnyɔla naa o cɛle naalen nin.

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Yeremi 17:7

Kɛ duaa co le vana kalifan ya Mɛlɛka-o, ò ya Mɛlɛka co kɔlkɛsiaa ndɔɔ-o pɛɛn!

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Esekiɛl 6:8

Kɛ i mɛinin vanaa pum yoomu o niaa tɛɛn, vanaa hialunnin mɔɛi cɔwve, mà lo yoomu-a pɛɛn. I sɛŋinin nda o lɛŋii isumualle tɛɛn.

Misee 5:6

«Cuavaa tɔ̀a lonin yoomu o polale Yakɔb len coo-a, a vanin vanaa-mangalaa-isɔɔa kunda bɛndoo tɛɛn-nda, a vanin maa mɔ́m fula o Mɛlɛka lo-o, mɛɛ piɔɔ sia o billo coo yɛ, o cel vanaciee cum too, o tiindan vanaciee kɛ́-kɛ̀ loo.