Sofoni 3:11 - BII BILA

¹¹ «Paale len, niaa vanaa co vanaa nia-a, siɛmbula bii lɛnin niaa le dɛnnda vɔɔnnda niaa tosa paandu a ya lan te. Kani i faŋanin vanaa yongaa niaa tɛɛn. O kon, la pɛnginin yongaa tosaa o pembii nii diandɛi coo.

Sofoni 3:11 Referans Kwoze

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Esai 11:9

Vana tosanin dɛnɛ vɔɔn a dɛnɛ tambɛi o pembii nii diandɛi kpow coo le, kani lɛŋnden le vanin lepiaalen a Mɛlɛka sinaa mɛɛ mɛmma ihɛllan ma pia o fonda ma co coo-o nuaa yɛ.

Esai 61:7

O fonda siɛmbulan láà tol niaa-o, la sɔlanin salaa bɛmbɛ lediin. O fonda niáà tambu bɛ̀ɛ̀lan-ndo, la dɔawnunnin ɲaale taw-taw. Lende nda sɔlanin salaa bɛmbɛ lediin o lɛŋnde ndalen nin ni. Kɔlkɛndɛ niaa vanin le fɛɛn a fɛɛn.

1Piɛr 2:6

kani o co o sɛvaa o Sɛbɛ Hala-o nin aa: «Tofa vɔ, i co pow-sɔngio handɔɔ Siɔn, o sɔvɛ ya hɛli-o, vana-vana laalan ndu pɛ, ndu tulnun lasiɛmbu le.»

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Daniɛl 9:16

Maalii, mɛɛ dɛnnda nɔmnda sandaalan kpow la co yɛ, faŋa kɔltuw nɔmndo Yerusalɛm coo, kobi nɔmndo a pembii nɔmii diandɛi pɛɛn. Kani le hakila naalan a yɔŋ vɔɔn fuɲaa naa mamaa kobi nɔmndo Yerusalɛm, a yungu nɔmndo a tambu labɛɛ vanaa balu nda-a o sondo ni.

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Rɔmnda 2:17

Tofa-vɔ, nɔm pila co veelɔnndo aa Yuifnɔɔ, a tiindan tɔŋndo, a co lisanndo maa a sínà Hala,

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Condii lisai 49:5

I yaŋnin nilan ɲɛkɛndɛi le talela kɔlkalulan tueyɔɔ, i tɛɛsiaanin sɔɔn kaaman o diom bangaa bɛngu.

Kundalan 16:3

Má kɔ balu Moise nda Aarɔn, má dimul nda aa: «N sanga a dɛnɛ niaa few! Israɛlla kpow a diandaa naa n co le Mɛlɛka ni, nduyɛ Mɛlɛka co naa kpede tɛɛn. Le kɔlɔ yɛɛ niaa niaa co yɛ cɔnnɔnndo maa niaa co vanaa bɛndua o kunda Mɛlɛka-o coo ni?»

Condii lisai 59:12

Nɔm Maalii, nɔm co kɔɔ cɔwvo le naa-o, dii nda le, yɔŋii yungu nuu pɔɛɛnun nɔla nɔmndo. Hiiluu nda a kpaaya nɔmndo, mà deli.

Condii lisai 131:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Yiyan yonga co ya o kɔl te Mɛlɛka, i nɔ hɔlaa heelaa le. Hɔlte ɲɛ-sɔlaa bɛndu co ya le. I nɔ mako a dɛnnda bɛndula ya tiwba tosaa lan te, i nɔ vɛlɛ mako a la hiow ya ba lan te.

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

Esai 5:15

Vanaa pɔmbɔa sɔlanin piɔ́mndo, vanaa bɛndua toalnunnin siɛmbulan, mì siɛmbulan la bii vanaa kuundiannda taw-taw.

Esai 56:7

I kɔanin a nda o pembii nii diandɛi coo, I nɛŋinin nda kɔltan o cɛi ni lepiɛiyo nin, mì cɛl sálàla loamaala ndala nda solinin o fonda ni solia lasálàá coo lan. Kani Cɛi nuu veelunnin aa Cɛi lepiɛiyo le vannda súúlan kpow.

Yeremi 13:9

«O ya Mɛlɛka dimi-o co hoo ni: Nuaa ya tɛɛmbuunin ɲɛ heelu Yudaa hɔlla-o ni, hɔlaa bɛndua Yerusalɛmnda heelu kan-nda pɛɛn.

Esekiɛl 20:40

Kani o pembii nii diandɛi coo, o pembii bɛndu-bɛnduei Israɛl coo, cuavaa Israɛlla kpow a vanaa vanin o lɛŋnde len nin-nda kpede a biilunin ya ni. Lon ya cɛlnin nda a kɔllo kpow ni. Lon ya ɲunanin niaa le ɲɛm niaa faŋa o ɲɛm niaan coo le ya yɔngoo-on ni, ɲɛm niaan tason o ɲɛm kean niaan nin a ɲɛm niaa kɛsi le ya-on pɛɛn. Sɔɛi fula Maalii o sondo-e co ken ni, Mɛlɛka pɛɛn.