Biblia Todo Logo
Bib sou entènèt

- Piblisite -




Sofoni 2:9 - BII BILA

9 Lelan, le yoomu nuu, ya Mɛlɛka-Nɔ-Kpaayaa-Kpow-vo soo nuaa ni, ya Hala Israɛlla pɛɛn, Moab co hunɔɔ itambu mò siŋnun maa Sodɔm, mì poaa Amɔn-nda siŋnun maa Komɔr. Lɛŋnde ndalen le vanin maa yondo n'kayon, le siŋnunnin maa fonda ihɛl, maa fonda tambu le fɛɛn a fɛɛn-ndo. Vanaa lonin yoomu o yungu nuu nin-nda poondanin ɲɛm vanin lon-ndon, a sɔlanin lɛŋnde len kɛ́ɔ.

Gade chapit la Kopi




Sofoni 2:9
27 Referans Kwoze  

Kɛ a cɛlannin, mà kɔ del Filistia coo a ba paalen le del-lo, a poondanin ɲɛm vanaa co a ba paalen le can-ndo-a diom pilɛ, a soaŋnin Edɔmnda a Moabua soŋɔ̀ɔ́ pila, a nɔlanin poaa Amɔnnda mà kɛsin nda o labɛngunin.


vanaa kan ɲunannin aa: ‹Le kɔlɔ yɛɛ nɛ Mɛlɛka tuisi yɛ sangalan ndan vannda ha coo? Yɛɛ nɛ yɔŋ yɛ mó tuulu kɔl a nda nuaa taw-taw?›


Kani ba Mɛlɛka-o co o pembei he coo, lɛŋnde Moab len le nɛwnunnin a labɛngu o fonda ndɔɔ, mɛɛ vana nɛw foeende o sállo coo nuaa yɛ.


I co ndu hunɔɔ muli mɛɛ ya muli Sodɔm, Komɔr a kobilaa balu lan-ndan yɛ. Vana-vana cel-lɛnin ndon te, vanaciee kɛ́-kɛ̀ kue lɛnin ndon te.» Sɔɛi fula ya Mɛlɛka o sondo-e co ken ni.


Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!


La heelu vɔ hɔlla mì la tofa fonda balu niaa-o, a co cuungianndo kpow, a co hunɔɔ o kobio ho nin. I co yoomu! Ya Mɛlɛka dimi lende ni. Nɔm kobio Siɔn, a cuɛinunnin vanaa kan maa volɔɔla cuɛinan. A bɛlibɛlinnin nda mɛɛ vana holiholin vanalanɔ n fula kɔɔli le nɔu-vo yɛ.


Kani o co sɛvaa maa Mɛlɛka dimi aa: «I co yoomu, ya Mɛlɛka, vulan kpow la baŋnunnin ya o labɛngunin, mì lediɛɛmu oo lediɛɛmu le biilu Hala.»


O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»


Cɔlua vanin hinilan pɛngio lon, visia súúlan kpow a vanin ndon: hua a saiya bɛɛ a vanin lɔan o sungbuan bolle. Vana tuɛinin yowva caŋndo o diola pɔmbɔlan, ɲɔɔ vanin o tambɛiyo kandɔɔ o kèéden lacɛiyon, kani pɛngɛn yɔm sɛɛdre n vanin n'suingianndon.


Vanaa lonin yoomu o polale Yuda len ninnd-a, nda nɔnin tándàla lan ni. Lon nda vanin cɔlua ndaa yɔɔ diólan ni. Icɔl, a vanin pɛngio o cɛilan nin Askelɔn, kani Mɛlɛka Hala ndaa yiyannin nda coo, mò mangala dɛnɛ ndaa hɔlaa celen.»


Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.


Ɲɔɔ yɔŋnunnin mɛɛ kpundɛ tɛɛmbuu Sodɔm a Komɔr a kobilaa balu ndu sɔ́ lan yɛ. Vanndo pilɛ bɛɛ kue lɛnin calle lon te, vanaciee yoomaa bɛɛ kue lɛnin ndon te.


Sɔɛi fula masa nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa: ‹Te i co yoomu lekɛ́ndɛi! Te pembei Tabɔr co ni, te o mɛnndan coo Karmɛl co ni, mɛɛ hunɔɔ yaamɔɔa co ni.›


Kɛ nduyɛ, le mɛɛ ya co yoomu yɛ, le mɛɛ biilu nuu pei lɛŋnden ca yɛ,


Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»


«Kobio Hatsɔr siŋnunnin bɛ̀mɛ́lta tivolla, lɛŋnde veselɛile vanaciee celnin nin lɔ́ɔ́-lɔ́ɔ̀ le len, nɛɛ vanaciee keinin bɛɛ le-a.»


Nuaa Mɛlɛka soo ni aa: «Le yɔŋnda vɔɔnnda yàála vannda Moab a tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a lom paala masa Edɔmnda kpúlúká, mí la siŋnun pultan.


taa ce pɛ maa fungoo a hɛlle cii ɲɛ-ɲɛ tɛɛmbuu, maa tɔlɔɔ niŋ-ndɛ o lɛŋnde len coo le, maa bil vil lɛ lecoo le, maa fondaa siŋnun maa Sodɔm, Komɔr, Adma a Seboyim, kobila Mɛlɛka tɛɛmbuu lan a kɔltuw bɛndoo lan,


Lelan, i heelu baa le vanaa-mangalaa-isɔaa kan soŋɔ̀ɔ́, Vanaa va nda o ba o cɛlen nin-nda yunganin nda mà hɛlu ɲɛm ndan. Kon tosanin ni mì la sina maa Mɛlɛka-Nɔ-Kpaayaa-Kpow-vo vem ya ni.


Swiv nou:

Piblisite


Piblisite