Sofoni 2:8 - BII BILA

⁸ «I tuei yeowla fula yungoo Moab o sondo lan, mí tuɛi sɔɔn vɔɔŋun fula poaa Amɔnnda o sondo-on. À va yungu nuu yeowlan má va lɛŋnde yungu ni kon kiolɔɔ le lɛŋii ndɛi cɔɔloo.

Sofoni 2:8 Referans Kwoze

Amɔs 1:13

Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.

Yeremi 49:1

Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»

Esekiɛl 36:2

Nuaa Maalii, o co Mɛlɛka-o dimi aa: «Le tùú yaamɔɔa dimi aa ‹Ɛ̀ɛ̀ hɛ́ɛ̀! Mbɔ̀ pembun masindɛ-sindɔn mun siŋnun ɲɛ naa pɛ-o›,

Yosue 5:9

O kon mí Mɛlɛka dimul Yosue aa: «I cii hau siɛmbulan Esipte faŋa niaa o lebol few.» Lelan nda ke fonda kon diolan ni aa Kilkal. Kandɔɔ ɲinkon háá paalen nden, diola lan fonda kalaa nɔ ni.

Esai 15:1

Sɔɛi dimin le tambii lɛŋnde Moab len-nde yɔŋnun hee ni: «Ɲumma ɲɛ tambɛiyo luɛi o kobio Ar-Moab nin-ndan, o ɲumma pilɛma man nin o piɔl ni vɔ́-vɔ́! Ɲumma ɲɛ tambɛiyo luɛi o kobio Kir-Moab nin-ndan, o ɲumma pilɛma man nin o piɔl ni vɔ́-vɔ́!

Esai 16:6

N tuei yonga bɛndu Moabua tɔ́ɔ́, lekɛ́ndɛi, n tuei kuundian ndaa, hɔlaa heelaa ndaa, heelɔn ndaa a tombola nda fondo-fondoo tɔ́ɔ́.

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Cɛɛŋɔnnda Yeremi lan 3:61

Mɛlɛka, a tuei ɲɛ va nda fulaa o sondo-o, a sina dúmbúla ndáà tuu le ya lan kpow.

Esekiɛl 21:28

Vanaa co icali Yerusalɛm lon-nda co ko yiyanndo maa còòlan sɔɔn mun co ni, maa n tosannin te. Kani vannda cuel nda ciɛ́ɔn má mɛnalan nda. Kɛ masaa Babilɔn ndu yiyalan nda haki ndaa, lelan nda sɔlanin biyɔɔ ni.

Amɔs 2:1

Nuaa Mɛlɛka soo ni aa: «Le yɔŋnda vɔɔnnda yàála vannda Moab a tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a lom paala masa Edɔmnda kpúlúká, mí la siŋnun pultan.

Sofoni 2:10

Kon tosalannin Moabua a Amɔnnda le yonga ndaa, kani a yeow yungu Mɛlɛka-Nɔ-Kpaayaa-Kpow-vo-o, má kialu lɛŋnde ndɔlen le lɛŋnde ndalen cɔɔloo.

O Kandɔɔ 19:37

Mí cua tasoo vialu hɔ́ɔ́ piaandoo, mó ke ndu diolan aa Moab (kon co dimio ni aa «O fula o fuɲaa nin-ndo»). Ndu yɔŋnun fuɲa-mama Moabua co vɔ yoomu háá hau-va ni.

O Kandɔɔ 19:38

Mí cua ndɔ diinndɔɔ bɛɛ vialu hɔ́ɔ́ piaandoo, mó ke ndu diolan aa Bɛn-Ammi (kon co dimio ni aa «Po vanaa nia»). Ndu yɔŋnun fuɲa-mama Amɔŋaa co vɔ yoomu háá hau-va ni.

Yeremi 48:1

Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!

Esekiɛl 25:1

Mí Mɛlɛka soaa o ya lo, mó dimul-la aa:

Esekiɛl 35:12

O kon, nɔm Seir, a sinanin maa i tuei tɛɛndan n tɛɛndan pembun Israɛlla-on, bau a dimi maa pembun mun pembun fondon n co ni, maa n del nɔm o ba mí n siŋnun ɲɛ naa diaa!