Sofoni 2:7 - BII BILA

⁷ Vanaa lonin yoomu o polale Yuda len ninnd-a, nda nɔnin tándàla lan ni. Lon nda vanin cɔlua ndaa yɔɔ diólan ni. Icɔl, a vanin pɛngio o cɛilan nin Askelɔn, kani Mɛlɛka Hala ndaa yiyannin nda coo, mò mangala dɛnɛ ndaa hɔlaa celen.»

Sofoni 2:7 Referans Kwoze

Sofoni 3:20

O telen kon, i minginin niaa nanu. A toɲa, i minginin niaa nanu mì siinguu niaa vanaa tɔ́ɔ́ bɛndu-a a vanaa bɛndua o vanaa súúla celeŋaa co o lɛŋnden coo-a kpow tɛɛn. I tosanin kon tuma ya mangalanin dɛnɛ niaa niaa pila o hɔl-lo. Dion ya Mɛlɛka soo-o co kon ni.»

Esekiɛl 39:25

Le hee, nuaa Maalii Hala dimi ni aa: «O laan nin, i minginin cuavaa-imamaa Yakɔk-a co o biyɔɔ nin-nda o nda lo. I tuinunnin cuavaa Israɛl-la kpow iɲíí, kani paŋalaa biinin ya le diola nila diandaalan.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Luke 1:68

«Biiloo co le Mɛlɛka, Hala Israɛlla pɛɛn, kani o mala vanaa ndɔa, mó baŋa nda.

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.

Abdia 1:19

Yudaa hialunin lɛŋnde n'pembule Edɔm-nden a ba too, mà hɛlu vɛlɛ dɛngbɛla co o tàndá Filistia nin-ndan, mà hun cal o tàndá Efraim-ndo nin, Samari pɛɛn. Polale Bɛnyamɛn-nden le hialunin Kalaad.

Yeremi 33:7

I minginin vanaa ndáà bii Yuda-a, a ndáà bii Israɛl mí ndáà kɔa a nda o biyɔɔ nin-nda mɛɛ nda va o tasendɔ yɛ.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Rɔmnda 11:5

Lende koni i co sunsun ni, vanaa tɔ̀a a co, a kɛndɛi Hala-e i hɛli-a.

Dɛnnda kiilaa 8:40

Mí Filipe kɔ cannun Asdɔd, mó va keiyo vannda Yoongu Kɛndɔɔ tiiyallo o kobilan nin háá mó tiiya Sesaree.

Dɛnnda kiilaa 8:26

Mí mɛlɛkanɔ Hala-o dimul Filipe aa: «Cɔn ma kɔɛ a ba too, o nɛi cɛn Yerusalɛm o lɛŋnde veselɛilen nin, mó kɔa Kaasa-o.»

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Misee 4:10

La somisomin a ɲɛ nɛyaa, mì la ŋɔnga maa vanalanɔ nda sɔɔnguu lekɔɔ le volɔɔ. Kani la bɛnda mi la mal kobio sisa, mì la kɔ kila calta niaalan yondoo nin, mì la kɔɛ bɛɛ háá Babilɔn. Lon niaa co lakɔ baŋaa sɔla ni, lon Mɛlɛka hialunin niaa yaamɔaa niaa o ba ni.

Yeremi 32:44

A toɲa, vannda muungunin mà pendu yondolan a volion o tàndá Bɛnyamɛn-ndo nin a o Yerusalɛm balɔɔ, o kobila Yuda lan nin, o kobila co o pembon coo lan nin, o kobila co o dɛngbɔɔ nin-ndan a o kobila co o tàndàá Nekɛv nin-ndan nin, mà toosiaa sɛbɛla leseilan, mà hol pondan lecoo, mà sɔla seiya. Kani i minginin nda mɛɛ nda va paandu yɛ.» Sɔɛi fula Mɛlɛka o sondo-e co ken ni.

Yeremi 31:7

Kani Mɛlɛka dimi aa: ‹La yonda a kɔlkɛndɔɔ le Israɛl, la viow kponyoo a kɔlta niaalan kpow, le lɛŋnde hiow lɛŋii vanaa-mangalaa-isɔɔa len.› La yonda mì la dimi aa: ‹Mɛlɛka, cííndiaa vanaa nɔmnda, Israɛlla lo yoomu-a pɛɛn.›

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Condii lisai 85:1

Condii poaa Kore-a le simlacinɔ vanaa n'condua.

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

Aasee 2:2

«Soo o Sorobabɛl masa ibungaa Yuda, po Sɛaltiɛ-lo lo, o Yosue bolle vanaa-solia-lasálàá, po Yehosadak-o lo a o vanaa tɔ̀a kpow lo, mà ɲuna nda aa:

Aasee 1:12

Mí Sorobabɛl po Sealtiɛl-lo, Yosue bolle vanaa-solia-lasálàá, po Yehosadak-o a vanaa hin fula o biyɔɔ nin-nda kpow a bii sɔɛi Mɛlɛka Hala ndaa dimi ken-nde, ì Hasee vana-tɛɛngaa-diom Hala-o tɛɛngul nda ken-nde. Nuaa Hasee tosa ɲɛ Mɛlɛka vem ndu tosaa-o ni, mí siòònde bii vannda kpow a Mɛlɛka.

Sofoni 2:9

Lelan, le yoomu nuu, ya Mɛlɛka-Nɔ-Kpaayaa-Kpow-vo soo nuaa ni, ya Hala Israɛlla pɛɛn, Moab co hunɔɔ itambu mò siŋnun maa Sodɔm, mì poaa Amɔn-nda siŋnun maa Komɔr. Lɛŋnde ndalen le vanin maa yondo n'kayon, le siŋnunnin maa fonda ihɛl, maa fonda tambu le fɛɛn a fɛɛn-ndo. Vanaa lonin yoomu o yungu nuu nin-nda poondanin ɲɛm vanin lon-ndon, a sɔlanin lɛŋnde len kɛ́ɔ.

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Ruti 1:6

Lɔ́ɔ́ Noemi tuei maa Mɛlɛka koma tosal vanaa ndɔa, Israɛlla, dɛnɛ kɛndɔɔ mó ke nda baloo-o, mó bii nɛiyo nda laandaa poaa ndɔa, le faŋanndo o lɛŋnde Moab len nin le muungoo.

Condii lisai 80:14

Pevaa yondoa co o bundɔɔ nin-nda co ndu tɛɛmbuuo, visia yondoa co hunɔɔ diólan ndon.

Esai 11:16

Nɛiyo ndu pilɛ kpé vanin le vanaa tɔ̀a lonin yoomu o vanaa ndɔa tɛɛn-nda ni, a lo vɔnin yoomu Asiriia pɛɛn, maa mɛɛ nɛiyo va ndu pilɛ le cuavaa Israɛlla paale nda va fulaa Esipte len yɛ.

Esai 32:14

Cɛi bɛndu lemasaa lonin fondo, vannda piawnin kobi vɔkɔ-vɔkɔɔ co hoo nin-ndo, pembei a cɛi coocoo siŋnunnin buululan le fɛɛn a fɛɛn, sofɛlɛa yondoa vanin pisultan ndon. Cɔlua vanin billo dioo lon.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Yeremi 33:12

Diom Mɛlɛka-Nɔ-Kpaayaa-Kpow-vo dimi vɛlɛ-o co hoo ni aa: «Hèélan la hun vanin vɛlɛ le vanaa mandaa n'cɔlua cɔlua ndaa yambɔɔ pɛngio o lɛŋnde len nin a o kobila ndɔlan nin kpow. Lɛŋnde len le co fondo, n'vanndaciee co lenin te, n'cɔlu vɛlɛ le.

Yeremi 47:5

Vannda sendinnin tembeltan Kaasa. Vannda meinin Askelɔn kpili-kpili. Niaa vanaa lonin yoomu-a yɛ, háá lɔ́ɔ́ kuɛɛ niaa va yɛnin vaasan kioŋnɔnndo lekɔɔ?

Osee 6:11

Niaa cuavaa-imamaa Yuda-a bɛɛ, i co niaa hunɔɔ kovɔɔ.» «Lɔ́ɔ́ yáà yeema vanaa nia va o cɛlen nin-nda mingio nanu-o,»

Sofoni 3:13

O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»

Esai 11:14

Kɛ a cɛlannin, mà kɔ del Filistia coo a ba paalen le del-lo, a poondanin ɲɛm vanaa co a ba paalen le can-ndo-a diom pilɛ, a soaŋnin Edɔmnda a Moabua soŋɔ̀ɔ́ pila, a nɔlanin poaa Amɔnnda mà kɛsin nda o labɛngunin.