Sofoni 2:5 - BII BILA

⁵ Dɛnɛ palaa co vanaa co icali o mɛmma ihɛllan kɔngɔ-a cum! Dɛnɛ palaa co le yungu hin fulaa Krɛte-o! Kani le sanga niaa sɔɛi Mɛlɛka-e dimin ni aa: ‹Sangaa co le Kanaan, lɛŋnde Filistia pɛɛn. I tɛɛmbuunin nɔm Kanaan, i solinin vanaa co icali nɔm nin-nda kpow.

Sofoni 2:5 Referans Kwoze

Esekiɛl 25:16

lelan, nuaa Maalii Hala dimi ni aa: ‹Tofa vɔ, ya i heelunin ba nuu mì soŋ Filistia, i ciinin Keretiia kpow, mì siow vanaa tɔ̀a lonin yoomu o mɛmma ihɛllan kɔngɔa-a diw kpede.

Yeremi 47:7

Kɛ vɛ̀ɛ̀ i pɛngi yɛnin? Mɛlɛka cɔm ndi ɲɛ i bɛnda le tosaa-o, o dimul ndi le kɔlan Askelɔn a o mɛmma ihɛllan kɔngɔ dí. Nɛɛ i nɔ le kɔlan-nda co kan ni.»

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Yosue 13:3

kandɔɔ o pee pɔmbɔɔ Sihɔr, Esipte a ba paalen le can-ndo, kɔlan háá a lɛŋnde Ekrɔn-nden a maluaŋ. Tàndà kon kpow, vannda ndáà ce ndu maa o lɛŋnde Kanaan-nden coo o va ni. Lon masaa ŋuɛɛnua Filistia va masalen tosaa ni: masaa Kaasa, hoo Asdɔd, hoo Askelɔn, hoo Kat a hoo Ekrɔn, mí lɛŋnde Aviia le va vɛlɛ nda o ba bɛngu.

Marke 12:12

Simlacia Yuifia va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́. Kani má bii bila maa le nda Yeesu ndóò dimi tale kon ni. Má faŋan ndu kɔɔli, má kɔannun.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Sofoni 3:6

Mɛlɛka dimi aa: ‹I tɛɛmbuu vanaa-mangalaa-isɔɔa, mí koombiaa calta vanaa ndaa cɔwva. Nɛila ndalan o kobio tɛɛn la yimbu. Vana-vana co lɛ kei lecoo le. I pesi kobila ndalan, vana co lɛ lenin te. Hali vanndo ndu pilɛ, o co lɛ icali lenin te few.

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Esai 14:30

Vanaa hiow bala fondolan kpow-va a sɔlanin ɲɛdiaa ndaa, vanaa ikɔɔa vannunnin icali nila ɲulu. Kɛ i tosanin mì dumbulen le vi a yiaan, o kon, ɲɛ-ɲɛ lo pɛ yoomu o niaa tɛɛn, kon sɔlanin piɔ́mndo.

Masaa kialaa n'yamaa 3:3

Vanaa-mangalaa-isɔaa kan va haa ni: simlacia ŋuɛɛnua Filistia, Kanannda kpow, Sidɔnnda a Heviaa va o tàndá n'pemboo Liban nin-nda, cɔnɔnndo o pembei Baal-Hɛrmɔn kɔlan tiiyaa háá le luɛyɔɔ Hamat.

1Samiɛl 30:14

Naa n del tàndá Keretiaa co a ba too-o coo a cɔwvo ni, naa n del cieon co o tàndá Yuda-o nin-ndon coo a tàndá Kalɛb co a ba too-o coo a cɔwvo ni. Naa n mal kobio Siklak yin ni.»

Esai 14:29

Niaa Filistia sei, la dɔawnun ɲaale le tùú tinda nda va niaa kɔɔlan lɔɔ-o yom-ndo le dɛ! Kani kɔɔmaa fulanin o kɛw siovɛiyo nin, cuale fulanin o kon nin-nden tambálakáà can coocoo-o le vanin ni.

Sofoni 1:11

Niaa vanaa co Maktɛs-a, la hiiliaa, kani yulaa niaa kpow co hunɔɔ vu, vanaa co lusul n'volio tuuvo-a kpede a cuunin!

Yosue 13:2

Lɛŋnde lo le biyɔɔ len le co len ni: tàndàla Filistia a la Kesuriia kpow,