Biblia Todo Logo
Bib sou entènèt

- Piblisite -




Sofoni 2:3 - BII BILA

3 Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Gade chapit la Kopi




Sofoni 2:3
44 Referans Kwoze  

A lo o halataala, má kialu yamɛi, mí siòònde bii lɛŋnden, mí vanaa co o lɛŋnden coo-a sim kpɛ́!


Nɔm co tosaa ni mì va diola nɔmndan lisaa vannda taw tɛɛn, i peelunin ciɛ́ɔn ya cua-on vanaa nɔ siòòŋii nɔmnde-a kpow o hɔl.


Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»


La mulul Mɛlɛka vana kpaayaa kpow hɔlla, la va ndu nuwviaa lɔ́ɔ́-lɔ́ɔ̀.


La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.


A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.


Kpakio diola Mɛlɛka lan la co ni, lenin vana sandaa viannun ni mò sɔla kandaa.


Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa: «Tɛ́ɛ́mbùù le»-o o soli ndi ni. Telen David hɛlun Saul o buululan nin mó ɲaanun-ndo o soli condei he ni aa:


Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.


O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.


Vana kila pɛ caltan o vunduma Ó-Hiow-Ɲɔɔn-Kpow-vo-an bɛngu, mɛɛ ndu sɔlanin pɛngio o vunduma Vana-Kpaayaa-Kpow bɛngu.


kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.


La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,


Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.


Dɛnɛ kɛndɔɔ co le vanaa vi kɔltan-nda, kani a sɔlanin lɛŋnden kɛ́ɔ.


Mbɔ̀ vanakɛndɛyɛi nɔmnde co i bɔɔ! Vanakɛndɛyɛi n kɛsi teengen le vanaa nɔ siòòŋii nɔmnde-a-e pɛɛn. Vanakɛndɛyɛi n co tosaa vannda kpow o hɔl le vanaa co vionnɔnndo nɔm o ba bɛngu-a-e pɛɛn.


Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.


Yonga Israɛlla co nda pila seilen tɛndallo, kɛ a co muungu Mɛlɛka Hala ndaa o ibuŋ te. A kon kpede, a co ya Mɛlɛka nuwviaa le.


«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.


Kani Mɛlɛka co a ɲaaloo le vanaa ndɔa, o cii vanaa tuisin tootoo-a ciindiaa le lɔ́ɔ́-lɔ́ɔ̀.


La mulul nda aa: ‹Sálàá ho naa n solúl Mɛlɛka o paale kafo-hiavaa-coo len coo ni. Kani telen naa Israɛlla n va o lɛŋnde Esipte len nin-ndo, mí Mɛlɛka tuisi Esiptea kpundɛ piɔ́mndo coo. Kɛ mɛɛ o tiiya o cɛila naalan, mó hiawnun, o sim mò tuisi naa a yungula naalan kpundɛ kon coo le.›» O kon, mí Israɛlla baŋ vulan Mɛlɛka o labɛngunin, má biilu ndu.


Ɛ̀ɛ̀ nduyɛ, lende niaa co kelaa a puapilɛa nia Maseduan kpow ni. Nduyɛ puapilɛa naa, n co niaa vɛlɛ sila, la hiow bɛɛ o kon coo.


‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!


Mó mulul nda aa: «Tuma poombɔɔ va vɔ yoomu-o, i va sumndo biyɔɔ a caŋndo, kani i va yiyanndo maa bɔɔle mì Mɛlɛka tuinun ya iɲíí, mò mingul-la ponndo yoomu.


Yiinun mɔɛi nɔmii cɔwve o càŋ, nɔm kuubanɔ kpaayaa ho. Mɔɛi ken cɔm biilu nɔmndo a naŋɔɔ nɔmndo ni.


La pɛɛku le dɛnɛ kɛndɔɔ tosaa, la kindin le dɛnɛ sandaa nuwviaa, la kanda vana nda co saangiaa-o, la tosal vííyo dɛnɛ sandaa, la lɔɔnun ibuŋ le vanalanɔ pɔnɔ ndɔ vi-o.›»


Niaa vanaa tɛɛngaa-diom Hala-a, la hel le tɛɛngon kiindiaa le, la tengul kpaki le cuavaa Israɛlla kandaa haliko ma nɔla simndan le cɔwvo o paale Mɛlɛka len coo le.


Swiv nou:

Piblisite


Piblisite