Sofoni 2:13 - BII BILA

¹³ Mɛlɛka co baa siɛndi a ba luaŋ-ndo, mò diw vannda Asiri, mò pɛl Ninive le ndu mingio ciee-piɔ́mndo a lɛŋnde veselɛilen.

Sofoni 2:13 Referans Kwoze

Nahum 3:7

O kon, vana-vana ce nɔm pɛ, o ɲaanun, o dimi aa: ‹Kpòkóó, Ninive tambu fɔ́! Nɛ̀ɛ́-nɛ̀ tuinun yɛnin ndu iɲíí?›»

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Esai 10:16

Lelan, Maalii, Mɛlɛka-Nɔ-Kpaayaa-Kpow-vo co ɲawvo tuisi kuubaa celulaa coo, ɲɔɔ vanin volio o naŋɔɔ ndɔɔ bɛngu maa yinnde biyaa.

Esai 10:12

Kɛ Maalii dimi aa: ‹Lɔ́ɔ́ ya ciinin baala nuu kpow tosa o pembei Siɔn coo a o kobio Yerusalɛm nin-ndo, i soaŋnin masaa Asiri le yiyan ndɔ kuundianndo a le tofa ndɔ yongaa.

Nahum 3:15

Kɛ niaa yɛ, la vunin o yinnde nin, yinnde vanin kobi niaa lomɔɔ len pɛɛn, te kon te la vunin o mɔɛi cɔwve bɛngu. La cɛɛlunnin mɛɛ kamballa cɛɛluu billo nuaa yɛ.» «La va a cuungiannda nɛɛ pilɛ maa n'kambala, niáà kui vɛ́ɛ́lɛ̀-vɛ̀ɛ̀lɛ̀ maa n'sóónɔ.

Misee 5:6

«Cuavaa tɔ̀a lonin yoomu o polale Yakɔb len coo-a, a vanin vanaa-mangalaa-isɔɔa kunda bɛndoo tɛɛn-nda, a vanin maa mɔ́m fula o Mɛlɛka lo-o, mɛɛ piɔɔ sia o billo coo yɛ, o cel vanaciee cum too, o tiindan vanaciee kɛ́-kɛ̀ loo.

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Esai 10:5

«Dɛnɛ palaa co le Asirinɔɔ, o yɔŋnun sionnde kɔl ni tuwvo-o! Sionnden ndu o ba, len le co volɔɔ vali kɔltuw nuu ni.

Esai 14:26

Ɲɛ tuunun le lɛŋnden kpow tosallo-o co hoo ni, ba siɛndin le vanaa-mangalaa-isɔɔa kpow lɔɔ-o co kon ni.

Esai 37:37

O kon, mí Sennakerib masaa Asiri puusiaa dɔ́ɔ́ngɔ́ ndɔ kon, mó muungu o ndu lo, mó kɔ lo icali o ndu lo Ninive.

Yeremi 49:33

«Kobio Hatsɔr siŋnunnin bɛ̀mɛ́lta tivolla, lɛŋnde veselɛile vanaciee celnin nin lɔ́ɔ́-lɔ́ɔ̀ le len, nɛɛ vanaciee keinin bɛɛ le-a.»

Yonas 1:2

«Cɔn ma kɔɛ o kobi bɛndoo Ninive nin, mà kɔ tɛɛngul vanaa co lon-nda sɔɔn mun, kani tɔ́ɔ́ kɔlvesɛi ndaa tiiya o ya lo dí.»

Yonas 3:2

«Cɔm mà kɔɛ o kobi bɛndoo Ninive nin, mà kɔ tɛɛngul nda yoongu ya sɔɔ nɔm o sondo-o.»

Sofoni 1:4

«I co vanaa co icali o tàndá Yuda-o nin-nda a vanaa co Yerusalɛm ciee-a lɔɔ. I tɛɛmbuunin ɲɛm tɔ̀un lo o kaannde Baal-ten nin-ndon, mì ɲumi mun o fondaa ho. I tɛɛmbuunin vanaa baalaa ndɔa a vanaa-solia-lasálàà ndɔa, háá mì vannda pɔɛɛnun a dɛnɛ ndaa.