Sofoni 2:11 - BII BILA

¹¹ Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Sofoni 2:11 Referans Kwoze

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Osee 2:17

Lon, ya mingulnin ndu nakɔla n'rɛsɛnnda ndɔlan ni, mì mingi bóllo Akɔr maa dio kɔlkɛsiaa. O kon, o delnin ya kɔɔlii a yeemɛi maa telen o va o felengiyɛi ndɔɛi nin-ndo, maa paale o fula Esipte mò va heeloo len.»

Condii lisai 138:4

Mɛlɛka! Màá masaa co o lɛŋnden coo-a mel nɔm balika telen nda tuɛinin sɔɛi nɔmnde-o!

O Kandɔɔ 10:5

O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Sakari 8:20

Ya Mɛlɛka-Nɔ-Kpaayaa-Kpow-vo dimi ni aa: Vanaa súúla celennda a vanaa co icali o kobilan taw nin-nda hunnin vɛlɛ.

Sofoni 3:9

«I dindinin cɔcɔn vanaa súúla celen, haliko ma piɛi ya, mà tosal-la vallo a diom pilɔɔ.

Sofoni 1:4

«I co vanaa co icali o tàndá Yuda-o nin-nda a vanaa co Yerusalɛm ciee-a lɔɔ. I tɛɛmbuunin ɲɛm tɔ̀un lo o kaannde Baal-ten nin-ndon, mì ɲumi mun o fondaa ho. I tɛɛmbuunin vanaa baalaa ndɔa a vanaa-solia-lasálàà ndɔa, háá mì vannda pɔɛɛnun a dɛnɛ ndaa.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Esai 49:1

Niaa lɛŋii co o mɛnndan tɛɛn-nde, la yaŋ nilan! Niaa co kɔɔli-kɔɔli-a, la tuei-yɔ! Kabi o violɔn nuu Mɛlɛka veelu ya ni, mɛɛ ya fula dɔ́ɔ́ kala nuu o dembe, mó ke ya diolan.

Esai 42:10

La solul Mɛlɛka condii sɛnɛiye. La lisa ndu a condon nɛɛ lɛŋnden le mɛɛlu-a. Niaa vanaa co kelaa o mɛmma ihɛllan coo-a, niaa co o mɛmma ihɛllan tɛɛn-nda, niaa lɛŋii co o mɛnndan tɛɛn-nde a niaa vanaa co icali o lɛŋii ken nin-nda pɛɛn!

Esai 42:4

O fulanin mayoomu le, o vinin n'dial te. O lonin lende háá mò simi dɛnɛ sandaa yili o lɛŋnden coo, mì vanaa co o mɛmma ihɛllan kɔngɔ-a tiindan a kɔlkɛsiaa le tɔŋnda ndɔlan sɔlaa.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

Tɔŋ miingua 32:38

Kuɛɛ nɛ halaa va visin macuɛin cɔlua sálàá dioo a mɔima sálàn kolɔɔ-a co yɛ? A cɔn niko ma mala niaa va! A cɔn niko ma ven niaa va!

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Yeremi 46:25

Mí Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co Amon simul, mì simul hala co Tɛb-o, mì simul masaa Esipte, halaa ndɔa a simlacia ndɔa, mì simul masaa Esipte a vanaa tiindan ndu-a.

Daniɛl 11:18

O kon kɔɔli, o mulinnin a ba lɛŋii co o mɛnndan ikɛi-ye, mò bii i bɔɔ-bɔɔ. Kɛ kuubanɔɔ pum tɛɛmbuunin yonga ndɔ kon, mò tuisi ndu nda pila o lebol.

Malasi 1:14

Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

Esai 2:18

Piɔmnda kpow a ve lɛnin te.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.