Sofoni 2:10 - BII BILA

¹⁰ Kon tosalannin Moabua a Amɔnnda le yonga ndaa, kani a yeow yungu Mɛlɛka-Nɔ-Kpaayaa-Kpow-vo-o, má kialu lɛŋnde ndɔlen le lɛŋnde ndalen cɔɔloo.

Sofoni 2:10 Referans Kwoze

Esai 16:6

N tuei yonga bɛndu Moabua tɔ́ɔ́, lekɛ́ndɛi, n tuei kuundian ndaa, hɔlaa heelaa ndaa, heelɔn ndaa a tombola nda fondo-fondoo tɔ́ɔ́.

Yeremi 48:29

N tuei Moabua tɔ́ɔ́ le yongaa, o hiow nda ba! A hel bɔɔ hɔlla a sondo kalaa! Nda pila cennun bɔɔ ɲɛ!

Sofoni 2:8

«I tuei yeowla fula yungoo Moab o sondo lan, mí tuɛi sɔɔn vɔɔŋun fula poaa Amɔnnda o sondo-on. À va yungu nuu yeowlan má va lɛŋnde yungu ni kon kiolɔɔ le lɛŋii ndɛi cɔɔloo.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Abdia 1:3

Yonga nɔm bɛndoo co nɔm palaa ni. O powta kpovalan tɛɛn calta nɔmndan la co ni, a cii lan heelu coocoo ningo-ningo, ma va ɲunanndo o kɔl nin aa: ‹Nɛ̀ɛ́ nɔla yɛ ya tuisi lɛŋ?›

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Fulaa 9:17

Kɛ háá hau, nɔm Faraɔnnɔɔ, a co vɔ cuavaa ndɔa kuunanndo coo, má kɛɛ le nda malɔɔ kɔlan.

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Esekiɛl 25:6

Kani nuaa Maalii Hala dimi ni aa: «Le tùú niaa tɛm balan mì la kundu pelon lɛŋ-ndo, le tùú niaa dɔwnun ɲaale a nɛyɔn Israɛlla o lakɔl, mì la pɛɛsa nda-o,

1Dɛnnda lemasalan 16:21

Kɛ Hala cɛl mi vana-vana saangiaa nda le, mó vueinun masaa le nda,

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Yeremi 48:14

«Niaa Moabua, le yɛɛ niaa co yɛ dimio aa: ‹Vanaa cɔvaa mayoomua kpeekpeyaa caa cɔwvo-a naa n co ni?›

Abdia 1:11

Kani la va lon paale len, mí la simnun, mí vanaa celennda kɔannun a bolofaa ndaa. La lo tofaa mí mialla hun luɛi o kobi ndaa nin, Yerusalɛm pɛɛn, má mal siondei le bolofaa ndaa piɔvanndo. Niaa bɛɛ, mí la tosa maa vanaa kan.