Sofoni 1:7 - BII BILA

⁷ La mei Maalii, o co Mɛlɛka-o o hɔl kpili, kani paale ndɔlen le co le tiiyaa. Mɛlɛka cii sálàá toosiaa, o cii nin vanaa o veelu le sálà kon-nda dindi.

Sofoni 1:7 Referans Kwoze

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Sakari 2:13

Lelan, i heelu baa le vanaa-mangalaa-isɔaa kan soŋɔ̀ɔ́, Vanaa va nda o ba o cɛlen nin-nda yunganin nda mà hɛlu ɲɛm ndan. Kon tosanin ni mì la sina maa Mɛlɛka-Nɔ-Kpaayaa-Kpow-vo vem ya ni.

Sofoni 1:14

«La tofa vɔ! Paale bɛndule len le co le tiiyaa. Paale Mɛlɛka len le co nin kpɛɛlun. Vana tuɛinin somisominndo a caŋndo o paale Mɛlɛka len coo. Kuubaa hiow cɔwvo caa-a bɛɛ a koŋulnin.

Yeremi 46:10

Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Esai 34:6

Mɔɛi cɔvii Mɛlɛka-e co i lɔngɔlannde a koovan, i co i lindan lingili a cuɛima n'visian, i co i lindaa a kooma saa téndéa a ma cuinaa toovia, i lɔngɔlian a cuɛima vongama saa kóndóa. Kani cɔlua sálàá co Bɔsra le sálà Mɛlɛka-o solio, vannda co o lɛŋnde Edɔm-nden nin taw le nda diwvo.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Matie 22:4

Mó viam vɛlɛ buɛyaa celen aa: ‹La kɔ dimul vanaa ya yoongu-a maa ɲɛdiaa cuu yaw, i cii nawva a cɔlua celulaa diyɔɔ, ɲɛ-ɲɛ cuu toosiaa, a hun le ɲɛdiaa kafo lanɔ sɛnɛiyo dioo.›

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

1Samiɛl 16:5

Mí Samiɛl muli aa: «O co sɔɛi vɔɔn te. Sálàá ya hin Mɛlɛka solul ni. Niaa bɛɛ la co a veelaa. La dindin, mì la sɔɔnguu ya ikɛi le sálàá.» Mí Samiɛl dimul vɛlɛ Yisai nda poaa ndɔa maa a dindin le sɔɔnguuo le sálà kon.

Amɔs 6:10

Te vanndo pum cua pɛ vana vílɛ́i ndɔɔ le kɔlan ndu lomɔɔ, o ɲunanin vana co cɛinin di-o aa: Vɛ̀ɛ̀ vana celen co nɔm ikɛi lon? Vana kon mulinin aa: Vana co lɛ nanu le. Vanndo pilɔɔ diminin aa: N meinun kpili! O co telen vana pial Mɛlɛka ladio le co hoo le.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Esekiɛl 7:10

La tofa vɔ paale len! La tofa vɔ mɛɛ le tiiya yɛ! Telenndo tiiya, sionnden le co yandɔɔ! Yongaa co kuiyo taw!

Esekiɛl 7:7

Niaa co o lɛŋnden nden nin-nda sei, telen niaa co o nɛi. O tiiya fɔ, telen kon! Paale len le tiiya, paale kpokosi-kpokosilen! Yoondiala kɔlkɛndɛlan la cuu o pembon coo!

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

Filipea 4:5

Màá vannda kpow a sínà vanakɛndɛyɛi niɛi. Maalii co nin le hunɔ̀ɔ̀.

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Condii lisai 46:10

Ndu cii cɔwlan ni háá o lɛŋnden mɛɛlulan, mò tɛɛmbuu kpaasiaa, mò yimiyimi kɔɔn, mò lom ɲɛla ɲaanannda soa nan-ndan.

1Samiɛl 20:26

Saul dimi ɲɛ-ɲɛ paale len te, kani mó dimin o kɔl aa: «O co dɛnɛ ndɔ le, o kɛɛ hunɔɔ fúú le, o dindu le. Lekɛ́ndɛi, o co o diandaa le.»

SƐBƐ YƆB-O 24:1

«Ko le yɛɛ Ó-Hiow-Kpaayaa-Kpow-vo kɛɛ yɛ lɔ́ɔ́ mɛi le yaman ndɔn kiolɔɔ? Le kɔlɔ yɛɛ vanaa sina ndu-a kɛɛ yɛ palɛi ndɔɛi cɔ?

Esai 13:3

I dimul niaa vanaa diandaa yɔngun ya-a le isɔɔ tosa, I veelu kuubaa cɔvaa co le kɔltuw nuu-a, vanaa dɔawnun ɲaale le bɔɔbɔɔyɛi nii-a pɛɛn.

Esai 29:2

O kon, i tiilanin kobio Ariɛl, vanaa co lenin-nda cɛɛŋunnin ma somisomin taw. Kobi kon siŋnunnin maa yinndaceele le ya.

Esai 34:5

Mɔɛi cɔvii nii hin yingo-yingo cɔnɔnndo o halataala, tofa vɔ, mɔɛi nii cɔvii ken i toalnin Edɔmnda coo, i toalnin vanaa ya kɛsi kan le nda diwvo-a coo, le nda yamɛi kilullo.

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Amɔs 8:3

Paale len, caŋndan la vanin condon o cɛi lemasaa nin ni. Lende ya Maalii, ya co Mɛlɛka-o dimi ni. A vanin vanvílɛ́iya taw-taw viovɔɔ nɛɛ-nɛɛ ka o mei bɛndoo nin kpili-kpili.»

Sakari 14:1

«Niaa vanaa co Yerusalɛm-nda, paale Mɛlɛka len le co le tiiyaa. Vannda piɔwnin ɲɛm nda puunin niaa o laba-on.