Sofoni 1:4 - BII BILA

⁴ «I co vanaa co icali o tàndá Yuda-o nin-nda a vanaa co Yerusalɛm ciee-a lɔɔ. I tɛɛmbuunin ɲɛm tɔ̀un lo o kaannde Baal-ten nin-ndon, mì ɲumi mun o fondaa ho. I tɛɛmbuunin vanaa baalaa ndɔa a vanaa-solia-lasálàà ndɔa, háá mì vannda pɔɛɛnun a dɛnɛ ndaa.

Sofoni 1:4 Referans Kwoze

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Misee 5:13

I kaaliaanin yɔmii sooluɛi niɛi, mì pesi kobila niaalan.

Yeremi 6:12

Tuma ya mululunnin vanaa co o lɛŋnden nin-nda-o, cɛila ndalan la kɔanin vanaa celen o ba, mì ciɛɔn ndan a laandaa ndaa bɛɛ lo le caanda. Sɔɛi fula Mɛlɛka o sondo-e co ken ni.

2Dɛnnda lemasalan 34:4

Mí masaa dimul vannda, má pesipesi Baalla, má cui ɲɛm-laandun va o piɔmaa kalaa coo-on, n ndáà loam ansan nin-ndon. Mó loam sungbuma soolan, piɔmnda a tuuliaala va lon-ndan. Mó kɔandu pulta lan, mó kɔ saŋ ndan o sɛila vanaa va sálàlan solio o sooluula lan-nda coo.

2Masaa 21:13

I co hunɔɔ kobio Yerusalɛm tɛɛmbuu mɛɛ ya tɛɛmbuu kobio Samari a yungu Akab-o yɛ. I solinin vannda o kobio Yerusalɛm nin, mò lo fondo fúú, maa mɛɛ vana tuei sɛtio ma kuumbuu ndu yɛ.

Fulaa 15:12

Mɛɛ n siɛndi baa, mí lɛŋnden le mial yaamɔaa naa.

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Esekiɛl 6:14

I siɛndinin ba nuu nda coo mì tɛɛmbuu lɛŋnde ndalen, mì dɔw len yɛɛvɛ hiovɔɔ maa lɛŋnde veselɛilen Dibla. Nɛɛ-nɛɛ nda co icali, lende ya siɔŋinin lɛŋnden ni, o kon a sinanin maa ya co Mɛlɛka ni.»

Esekiɛl 25:7

i co ba nuu siɛndi mì soŋ niaa, mì mal niaa vanaa-mangalaa-isɔɔa o ba. I tɛɛmbuunin niaa, la ve lɛnin yungu le, i faŋanin niaa o lɛŋnden coo, mì tɛɛmbuu niaa kpow. La sinanin o kon maa ya co Mɛlɛka ni.»

Sofoni 2:11

Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Sofoni 2:13

Mɛlɛka co baa siɛndi a ba luaŋ-ndo, mò diw vannda Asiri, mò pɛl Ninive le ndu mingio ciee-piɔ́mndo a lɛŋnde veselɛilen.

2Masaa 23:12

Mó pesipesi fondala-loamaa-lasálàla va o cɛi coocoo Ahas-o coo lan, la masaa Yuda ndáà tangul tan pɛɛn, mó pesipesi vɛlɛ fondala-loamaa-lasálàla Manase ndóò tangul o bɛ́ɛ̀la tiɔnnda Cɛi-Mɛlɛka-o nin-ndan. Ndóò ciiyo lan pesipesio, mó kɔandu cundu kon, mó kɔ viaw ndu o bóllo Sedrɔn nin.