Sofoni 1:3 - BII BILA

³ I co vanndacieea a cɔlua tɛɛmbuu, mì tɛɛmbuu vɛlɛ yowva coocoo a suwva o peelo. I tɛɛmbuunin vanaa kɔlvesɛiya a sɔɔn nda co tosaa mà va vannda lueiyo o pɔwlan nin-ndon. I vɔɔsuunin vanacieo o lɛŋnden coo few-few. Diom ya Mɛlɛka soo-o co kon ni.»

Sofoni 1:3 Referans Kwoze

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Esekiɛl 7:19

A viiviinin volin ndan o nɛilan coo, mà ce sianin ndan maa ɲɛ tumulɛi. Volin ndan a sianin ndan nɔlanin nda baŋa o paale kɔltuwle Mɛlɛka len coo le. A nɔlanin dembela ndalan pimi a mun te, a nɔlanin yeemɛi ndɛi solin a mun te. Kani ken yɔŋnun pow boŋaa ndaa ni, ken tosa ni má luɛi o pɔwlan nin.

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Matie 23:39

Kani i co niaa dimul, la ci lɛnin ya le, háá mì la dimi aa: ‹Biiloo co le vana co hunɔɔ o diola Mɛlɛka lan-ndo!›»

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Osee 14:8

A muungunin mà cal o vunduma ndɔan bɛngu. A muungunin mà vàá maalon, mà kui mɛɛ rɛsɛnndon koam yɛ, mà sɔla tɔ́ɔ́ maa mɔiyan Liban.

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Esekiɛl 44:12

Kani lende nda va vanaa kan baalaa tosallo o piɔmaa ndaa sooloo nin ni, nda yɔŋnun vanaa luei cuavaa Israɛlla o hakio nin-nda ni, lelan yɔŋ vɔɔn ndaa toalnin nda coo. Ya Mɛlɛka dimi lende ni, mí heelu ba nuu coocoo mí mɛnalan nda po!

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Esai 6:12

háá telen Mɛlɛka toawnin vannda polon, mì lɛŋnden le koma lo fondo, mì vannda piew-vo.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 50:3

Kani lɛŋnde pilɛ le cɛn a ba luaŋ-ndo mì le va Babilɔn hinullo. Lɛŋnde len le co Babilɔn mingi pɔmndo, vana cel-lɛnin ndon te, vanndacieea a visia ɲaanunnin, mà faŋan ndon.»

O Kandɔɔ 6:7

Mó dimi aa: «Fɔ mì tɛɛmbuu vanndacieaa ya cɔw haa mí soli nda o ceendo coo-a. I co vɛlɛ visia bɛndua, visia pɔm-pɔmbɔa kela lɛŋ-nda a yowva kpow tɛɛmbuu. I sina ɲɛ-ɲɛ vem ya nda cɔvɔɔ le.»

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»