Sofoni 1:18 - BII BILA

¹⁸ Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Sofoni 1:18 Referans Kwoze

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Esekiɛl 7:19

A viiviinin volin ndan o nɛilan coo, mà ce sianin ndan maa ɲɛ tumulɛi. Volin ndan a sianin ndan nɔlanin nda baŋa o paale kɔltuwle Mɛlɛka len coo le. A nɔlanin dembela ndalan pimi a mun te, a nɔlanin yeemɛi ndɛi solin a mun te. Kani ken yɔŋnun pow boŋaa ndaa ni, ken tosa ni má luɛi o pɔwlan nin.

Talelan 11:4

Bolofaa nɛŋi ɲɛ-ɲɛ o paale kɔltuwle Hala len coo le, kela sandaa baŋa vana o piɔ́mndo hɔl-ndɔ ni.

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

O Kandɔɔ 6:7

Mó dimi aa: «Fɔ mì tɛɛmbuu vanndacieaa ya cɔw haa mí soli nda o ceendo coo-a. I co vɛlɛ visia bɛndua, visia pɔm-pɔmbɔa kela lɛŋ-nda a yowva kpow tɛɛmbuu. I sina ɲɛ-ɲɛ vem ya nda cɔvɔɔ le.»

Sofoni 1:15

Paale kɔltuwlen paale len le vanin ni, paale ŋɔɔciannden a paale dɛnɛ palaalen le vanin ni. Paale tɛɛmbua len a paale imɔnɛ len le vanin ni, paale maɲumnden a paale ɲumma n'kpungbalen, paale yumbuyumbulen a paale mɔ́m bɛndulen le vanin ni.

Sofoni 1:11

Niaa vanaa co Maktɛs-a, la hiiliaa, kani yulaa niaa kpow co hunɔɔ vu, vanaa co lusul n'volio tuuvo-a kpede a cuunin!

Esekiɛl 16:38

I kialunin yamɛi nɔmnde mɛɛ vana kialu yamɛi vanlaandua suundɛiya a vanlaandua co vanndacieea diwvo-a yɛ. O kɔl ni tuwvo a o paŋala nuu nin, i yɔŋulnin nɔm mì soli nɔm koovan.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Esai 1:24

Lelan, diom Mɛlɛka-Nɔ-Kpaayaa-Kpow-vo, o co Hala Kpaaya Israɛlla-o dimi-o co hoo ni: «Dɛnɛ palaa co le niaa! Kani i co mɔnɛi solin a yaamɔaa niaa! I minginin màá yaamɔaa niaa coo!

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

1Masaa 14:22

Vanaa fula o polale Yuda len nin-nda ndáà tosaa ɲɛ hɛnan Mɛlɛka loo, má tɛɛmbuu Mɛlɛka kɔllo a hakila ndalan hiovɔɔ o la fuɲaa ndaa mamaa va tosaa lan coo.

Tɔŋ miingua 31:17

Kɛ kɔl ni tuwvo toalnin nda coo paale len. I faŋannin nda ikɛi, mì vin nda hɔlaa niaa. A tambunin taw-taw, sangalan a dɛnnda palaala bɔɔ-bɔɔ la toalnin nda coo. A diminin telen kon maa a toɲa, le tùú ya Hala co lɛ nda tɛɛn too sangalan ndan kpow la tol nda coo ni.

Talelan 18:11

Maa kobi co o kungaa a kpakio-o ɲɛ-sɔlaa vana bolofaa co ni, maa kpaki kanda vana-o o ca ndu ni.

Condii lisai 79:5

Mɛlɛka, háá lɔ́ɔ́ kuɛɛ n lo yɛnin a kɔltuwvo ho? Háá tuma kuɛɛ paŋala nɔmndo ho lo yɛnin sandei he maa leyin?

SƐBƐ YƆB-O 21:30

O paale dɛnɛ palaalen, vana dɛnɛ vɔɔndo sɔla dɛnɛ palaa le. O paale kɔltuwlen coo, ɲɛ-ɲɛ yɔŋnun ndu le.

1Korɛntea 10:22

Vɛ̀ɛ̀ n yeema mì n kpeeŋiaa paŋala Mɛlɛka-o? Vɛ̀ɛ̀ naa hiow ndu kpaayaa ni?

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esekiɛl 7:5

Nuaa Maalii, o co Mɛlɛka-o soo ni aa: «Dɛnɛ palaa tiiya fɔ́! Dɛnɛ palaa nɔ velan too co o nɛi. Má cè ndu hunɔɔ súlùlù!

Esekiɛl 7:11

Dɛnɛ vɔɔndo cɛn mó siŋnun siondoole kɔlvesɛi len. Ɲɛ-ɲɛ lo lɛnin o nda tɛɛn te. Ɲɛ-ɲɛ lo lɛnin o bɔɔluu vɔkɔ-vɔkɔ ndaa nin te, ɲɛ-ɲɛ lo lɛnin o sɛ́lɛ́ nda kaakuu kon tɛɛn te! Vana co koŋul nda coo le.

Esekiɛl 23:25

I toalnin nɔm kɔɔli cili a paŋala nuu. Lelan, vanaa kan a tosalnin nɔm dɛnndan a kɔltuwvo, a sungunin nɔm milinndo ma kili nɔm nilan. Vanaa nɔmaa tɔ̀a lonin yoomu-a delinin o mɔɛi cɔwve bɛngu, yaamɔɔa cuanin poaa nɔmnda a cuavaa nɔmaa laandua. Vanaa nɔmaa tɔ̀a lonin-nda ŋɔanin o yinnden nin.

Sofoni 2:2

lɔ́ɔ́ pá mì sɔɛi fula masa bɛndoo o sondo-e dimin, mì paalen le hiow mɛɛ foeende hiaw o hoeiye nin nuaa yɛ. Là cùm háá mì kɔltuw bɛndu Mɛlɛka-o tol niaa coo le, là cùm mì paale kɔltuwle Mɛlɛka len le komal niaa le.

SƐBƐ YƆB-O 3:15

Maa yáà vannun nihau naa cuavaa lemasaa, áà nɔ sianion mí ndáà pei cɛila ndalan a volin latámán-nda.

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

Esai 10:17

Ɲɛ-tengaa Israɛlla siŋnunnin yinnden, mì Hala Diandaa ndaa siŋnun yelenyelen leyinndo, yinnde len le loamnin hɛɛnndon a siɛmbullon o paalen ten pilɛ nin.