Sofoni 1:16 - BII BILA

¹⁶ Paale bulu hɔŋaa a lee saa kóndóó soaanin-nden, paale len, vana tuɛinin vóólun-vóólunn cɔwvo le kobila mayoomulan a cɛila coocoolan biyɔɔ.

Sofoni 1:16 Referans Kwoze

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Esai 32:14

Cɛi bɛndu lemasaa lonin fondo, vannda piawnin kobi vɔkɔ-vɔkɔɔ co hoo nin-ndo, pembei a cɛi coocoo siŋnunnin buululan le fɛɛn a fɛɛn, sofɛlɛa yondoa vanin pisultan ndon. Cɔlua vanin billo dioo lon.

Habakuk 3:6

O sim pɛ lɛŋnden le ɲiiya. O tofa pɛ vanaa-mangalaa-isɔɔa, kan yɔŋ siòònde a ndu. Pembun masindɛ-sindɔn co piɔsio, pembu pɔmbɔn sindɛ, n va mun nɛila ndɔlan paandu-on co tolɔɔ mɔlɔ-mɔlɔ,

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Esai 59:10

N co kɔlan o cìì cɛiyo holnɔnndo a balan keeliaa maa vanaa sumɛi, n co kɔlan a balan keeliaa maa vanaa nɔ lahɔl te-a. N co boŋio ipala déŋ maa o maɲum nin. Maa n'van vílɛ́i naa n co vanaa mayoomua tɔ̀a tɛɛn ni.

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Yosue 6:20

Mɛɛ vannda yonda yonda cɔwvo, mí bululan la hɔŋnun, mí kpakio komba. Fɔ́ɔ́fɔ̀, mí vana-vana kɔa ndu pila laci sanaa, mí Israɛlla luɛi ciee, má kɔ bii kobio.

Esekiɛl 7:7

Niaa co o lɛŋnden nden nin-nda sei, telen niaa co o nɛi. O tiiya fɔ, telen kon! Paale len le tiiya, paale kpokosi-kpokosilen! Yoondiala kɔlkɛndɛlan la cuu o pembon coo!