Sofoni 1:15 - BII BILA

¹⁵ Paale kɔltuwlen paale len le vanin ni, paale ŋɔɔciannden a paale dɛnɛ palaalen le vanin ni. Paale tɛɛmbua len a paale imɔnɛ len le vanin ni, paale maɲumnden a paale ɲumma n'kpungbalen, paale yumbuyumbulen a paale mɔ́m bɛndulen le vanin ni.

Sofoni 1:15 Referans Kwoze

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Esai 22:5

Kani paale dɛnɛ tambɛilen, paale bɛpɛlaalen a paale lasiɛmbu len le co hau ni. Maalii, Mɛlɛka-Nɔ-Kpaayaa-Kpow-vo tuisi paalen-nden o ból vana ca siɔdii lacio nin-ndo coo ni. Vannda co kpakilan koombiaa, yoondiaalan la co sɔɛi a kpengii n'pembue.

Dɛnnda cɔɔmuanndan 6:17

Kani paale bɛndule kɔltuw ndaa le tiiya, nɛ̀ɛ́ nɔla yɛnin simndan?»

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Sofoni 2:2

lɔ́ɔ́ pá mì sɔɛi fula masa bɛndoo o sondo-e dimin, mì paalen le hiow mɛɛ foeende hiaw o hoeiye nin nuaa yɛ. Là cùm háá mì kɔltuw bɛndu Mɛlɛka-o tol niaa coo le, là cùm mì paale kɔltuwle Mɛlɛka len le komal niaa le.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Matie 24:29

«Palɛi sanga bɛndui ken i hiow dɔ́ɔ́ pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co o halataala lan la hiilun.

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Esai 13:9

La tofa vɔ, paale Mɛlɛka len tiiyaa, paale kpundɛlen, paale kɔltuwlen a paale kɔltuw bɛndulen le co ni. Paale len, lɛŋnden le vanin a mɔnɛi bɛnduei, vanaa lahakia vunin faw.