Sofoni 1:14 - BII BILA

¹⁴ «La tofa vɔ! Paale bɛndule len le co le tiiyaa. Paale Mɛlɛka len le co nin kpɛɛlun. Vana tuɛinin somisominndo a caŋndo o paale Mɛlɛka len coo. Kuubaa hiow cɔwvo caa-a bɛɛ a koŋulnin.

Sofoni 1:14 Referans Kwoze

Esekiɛl 30:3

Kani paale len le cɛn tiiyaa, paale Mɛlɛka len le bendu lɛ le. Paale yumbuyumbu bɛndulen a paale vanaa-mangalaa-isɔɔa le vanin ni.

Sofoni 1:7

La mei Maalii, o co Mɛlɛka-o o hɔl kpili, kani paale ndɔlen le co le tiiyaa. Mɛlɛka cii sálàá toosiaa, o cii nin vanaa o veelu le sálà kon-nda dindi.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

Esekiɛl 7:12

Telenndo tiiya, paale len le tiiya! Vana piandaa dɔawnun ɲaale le, vana pisiaa bii imɔnɔ le! Kani kɔltuwvo piɔndi le tolɔɔ sɛ́lɛ́ kaakuu co hoo o kobio nin-ndo coo.

Esai 33:7

Tofa vɔ, kuubaa cɔwva co koŋullo o nɛilan coo, kiilaa kɔa a kɔlɲuloo-a co caŋndo fúkpàà-fùkpàà.

Esai 15:4

Vannda Hɛsbɔn a haa Eleale co koŋullo coocoo, vana lo Yahas pɔ́ ma tuei nda diom, hali vanaa cɔwva Moab a co caŋndo taw. Kɔltan la co nda ɲiiyaa nin nákà-nàkà.

Nsaki 5:9

Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio.

Dɛnnda kiilaa 2:20

Paalen le siŋnunnin ɲumndan, mì paangei siŋnun koovan, lɔ́ɔ́ pá mì paale Mɛlɛka le len le tiiya, paale bɛndule len, paale tɔ́ɔ́le len pɛɛn.

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.

Sofoni 1:10

Paale len, yoondiaalan a diomnda vɔkɔ-vɔkɔlan la tuɛinunnin a ba Dio-n'suwvo. Diom ya Mɛlɛka soo-o co kon ni. Vana tuɛinin hiiliaalan o bungɛi sɛnɛi kobio nin, ɲɔɔ piɔndinin taw a kpengii pembon.

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Esekiɛl 12:23

Le hee dimul nda aa: ‹Nuaa Maalii Hala dimi ni aa i ɲumi tale kon, vana dimi lɛnin ndu Israɛl te!» Dimul nda aa palɛi tiiya, vunduan kpow ma co peelɔn.

Yeremi 48:41

Kobilan la biinun, kpakilan la del yaamɔɔa o ba. O kon mì vanaa cɔvaa hiow cɔwvo caa-a va sangaa mɛɛ vanalanɔɔ sanga o violɔɔ nuaa yɛ.

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Yeremi 25:36

I co nda tueyɔɔ koŋullo, cɛɛŋɔn simlacia n'cɔlua del-la o lani, kani Mɛlɛka cii diola cɔlua laasiaa.

Esai 66:6

Diom bɛndu-bɛndoo co fulaa o kobio nin, diomndo co fulaa o Cɛi-Hala-o nin. Diom Mɛlɛka-o co sɔɛi ken ni, o co yaamɔaa ndɔa salaa le dɛnnda ndalan-ndo.»

Hebreea 12:26

O paandoo nin, mí diom ndɔɔ tosa mí lɛŋnden le ɲiiya. Sunsun yɛ, o yiilu naa kpemaa aa: «I co vɛlɛ tosa mì lɛŋnden le ɲiiya, kɛ halataalaa vɛlɛ bɛɛ.»

Filipea 4:5

Màá vannda kpow a sínà vanakɛndɛyɛi niɛi. Maalii co nin le hunɔ̀ɔ̀.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Esekiɛl 7:16

Vanaa hialunnin má lo yoomu-a, nda ɲaanunnin má kɔ hel o pembon coo. A vanin ndon maa poonpoŋaa caŋ o bóltan nin-nda, vana-vana vanin somisominndo le tɛɛmbuu ndɔɔ.

Yeremi 46:5

Yɛɛ ya co yɛ cɔu ho nuaa? Siòònde bii nda, a co muungoo a makɔɔ. A nɔla vanpiaandua dialun fulaa, a sɔɔndian a kiltan, vana-vana co tofan kɔɔli le. Kɔltan la laasian nda nin kpow. Sɔɛi fula Mɛlɛka o sondo-e co ken ni.