Sofoni 1:13 - BII BILA

¹³ Bolofaa ndaa co nda puunɔn o laba a paa-kala, mì cɛila ndalan la siŋnun bémbélan. A cɔawnin cɛilan, kɛ a celnin lenin te. A solinin nakɔla n'rɛsɛnndan, kɛ a kolnin mɔima rɛsɛŋun mun te.›»

Sofoni 1:13 Referans Kwoze

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.

Misee 6:15

La saŋnin, kɛ la kuwnin te, la pesinin oliveon, kɛ la solinnin kpeku a macuɛi le, la vɔɔciaanin rɛsɛnndon, kɛ la kolnin mɔima ndɔan te.

Tɔŋ miingua 28:30

Vanndo fulanin vanalanɔɔ kɔɔli le ndu cuaa o nɔ̀u nin, mì vanapɔnɔ celen kpuva vanalanɔ kon mò hini a ndu. Vanndo tangulnin cɛiyo, o lueinin lenin te. Vanndo tɔalnin nakɔ n'rɛsɛnndo, o dinin ndu tɔnɔ le.

Esekiɛl 7:21

I malnin ɲɛm ndan kɛndɛn mun mialla o ba, mà poondiaa mun a paa-kala. I malnin mun vanaa kɔlvesɛyaa co o lɛŋnden nin-nda o ba, mà hɛlu mun kpow. O kon, mà nɔɔliaa ɲɛm kɛndɛn mun.

Yeremi 15:13

«Yuda, i cii ɲɛm nɔmndon a bolofaa nɔmndo malɔɔ vannda o ba. Sálà n bɛnda le sɔlaa le hakila n tosa lan-ndo co kon ni, la n tosa o lɛŋnde nɔmnden coo lan pɛɛn.

Yeremi 9:19

Lelan niaa vanlaandua, la yaŋ nilan o diom Mɛlɛka-o, mì nila niaalan la tuei sɔɔn co ndu fulaa o sondo-on. La pɛɛku cuavaa niaa laandua caŋ biisio, la pɛɛkuan caŋ kalaa vellaa-velle aa:

Tɔŋ miingua 28:39

La tɔalnin nakɔla n'rɛsɛnndan mì la tosa vallo lenin taw, kɛ la kolnin mɔima rɛsɛŋun mun te, la kendunin ɲɛ-ɲɛ lecoo le. Kani dɛlua ciinin mun dio kpede.

Sofoni 1:9

Paale len, i soaŋnin vanaa huulu o kèédei coo-a kpow, a pei cɛila vanaa ndaa bɛndua a bolofaa yɔŋ vɔɔndo a á ɲɛ-sɔlaa delɔɔcoo-a pɛɛn.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Esekiɛl 22:31

Lelan ya co kɔl ni tuwvo cucɔɔ nda coo ni, i co yinnde kɔl ni fulaa kpow tuisi nda coo, i co dɛnnda ndalan tuisi nda pila o lebol.» Sɔɛi fula Maalii o sondo-e co ken ni, Mɛlɛka pɛɛn.

Esekiɛl 7:19

A viiviinin volin ndan o nɛilan coo, mà ce sianin ndan maa ɲɛ tumulɛi. Volin ndan a sianin ndan nɔlanin nda baŋa o paale kɔltuwle Mɛlɛka len coo le. A nɔlanin dembela ndalan pimi a mun te, a nɔlanin yeemɛi ndɛi solin a mun te. Kani ken yɔŋnun pow boŋaa ndaa ni, ken tosa ni má luɛi o pɔwlan nin.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Tɔŋ miingua 28:51

A lonin cɔlua niaa a ɲɛm niaa vanin kovɔɔ a kiɔndɔɔ-on dioo háá mì la cuu vu faw. Kani a melnin niaa ɲɛ-ɲɛ le, a melnin niaa balo le, a melnin niaa mayɛngi le kolɔɔ le, a melnin niaa macuɛi le, a melnin niaa navaa téndé, saa téndé, te kon te cuinaa téndé le, háá mà cii niaa diw kpow.

Yeremi 17:3

Niaa vannda Yuda, niaa co keiyo piɔmnda sooloo o pembon coo yondoo nin ni. I co ɲɛ-sɔlaa niaa, ɲɛm niaan, a tombun niaan malɔɔ vannda o ba. I tosanin ken le hakila niaa tosa o lɛŋnde niaalen kpow nin-ndan.

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Esekiɛl 7:24

Lelan i cuunin vanaa-mangalaa-isɔɔa hiow kɔlvesɛiyo-a nanu, mà hun poondiaa cɛila ndalan. I tɛɛmbuunin kuundian vanaa kpaayaa, o kon cɛila máánnda ndalan la fulanin o baa nin.