Sakari 9:8 - BII BILA

⁸ I kilanin dɔ́ɔ́ngɔ́ɔ̀ o cɛi nuu ikɛi le ndu kandaa le vanaa cɔwva, a co luɛyɔɔ a fulaa-a pɛɛn. Vana kɔlvesɛi kei lɛnin nda ikɛi le. Kani hɔlta nilan la co nin va o cɛi nuu coo.»

Sakari 9:8 Referans Kwoze

Esai 54:14

Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Amɔs 9:15

I tɔalnin nda o lɛŋnde ndalen coo, à nɔla lɛnin sungɔnndo o lɛŋnde ya yɔngu nda len coo le fɛɛn a fɛɛn te. Lende Mɛlɛka, Hala niaa dimi ni.»

Esekiɛl 39:29

Handɔɔ o kon coo, i vin ndɛnin nda hɔlaa niaa le, kani i saŋnin kɔl nuu cuavaa Israɛlla coo. Ya Maalii, ya co Mɛlɛka-o soo nuaa ni.

Esai 52:12

La fula a lakil lukuluku le, la kɔa a ɲaanɔn te, kani Mɛlɛka co kɔlan niaa laci, Hala Israɛlla vanin niaa kɔɔli le niaa kandaa.

Esai 31:5

Mɛɛ yowva pɛɛnga kumbanndan o pelta nda kuumbun coo lan coo yɛ, lende Mɛlɛka-Nɔ-Kpaayaa-Kpow-vo pɛngɛlannin Yerusalɛm coo le ndu kandaa ni. O kandanin Yerusalɛmnda mò baŋa nda, o kpakpalanin nda a dɛnɛ vɔɔndo mò ciindiaa nda.

Condii lisai 72:4

Masaa tosalnin vanaa dɛnɛ palaa co coo o lɛŋnden nden nin-nda dɛnɛ sandaa, mò ciindiaa vanaa co o mɔnɛi nin vannda tɛɛn-nda. O pesipesinin vanaa co vannda delɔɔ coo-a.

Condii lisai 34:7

Vana bala fondoo koŋul pɛ, Mɛlɛka tuei ndu diom, o soli ndu o buulannda ndɔlan kpow nin.

2Samiɛl 16:12

Bɔɔle mì Mɛlɛka ce dɛnɛ ni palaa, mò tuinun ya iɲíí, mò dɔw ya duaa sɔ̀ngɔ́ yeowla nda co ya lan hau lan.»

Fulaa 3:9

Kani i co cɔu mɛɛ Esiptea co Israɛlla saangiaa a yɔɔkpiaa yɛ, yééla ndalan la co ya komallo háá nanu.

Dɛnnda cɔɔmuanndan 20:9

Má fula o lɛŋnden coo ba-ba fee, má tiila dɔ́ɔ́ngɔ́ vanaa diandaa a kobi Hala kaola taw-vo. Kɛ mí yinnden lepum le toal fulaa o halataala, mí le cii nda.

Dɛnnda kiilaa 7:34

I ce sanga bɛndu co yungu nuu coo Esipte-o vakpa. I tuei cɛɛŋɔnnda ndalan, le nda baŋaa ya tol ni. Sunsun, kɔ, i yeema mì i vem nɔm Esipte.›

Sakari 14:11

Vannda calnin Yerusalɛm lon, kɔngɔlan ve lɛnin kobio kɔɔli le ndu tɛɛmbuu le, o vannunnin nila ɲulu.

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Yeremi 46:13

Mí Mɛlɛka soaa o Yeremi vana-tɛɛngaa-diom Hala-o lo, telen Nebukanɛsar masaa Babilɔn hin le lɛŋnde Esipte len delɔɔ coo a cɔwvo-o, mó dimul ndu aa:

Yeremi 46:2

Sɔɛi dimin le Esipte a le vanaa cɔvaa Neko, masaa Esipte-a-e. O va o peo Efrate kɔngɔ Karkemis, telen Nebukanɛsar masaa Babilɔn nɔla ndu-o. O vɔsi hiɔɔlundɔ Yehoyakim po Yosia-o va o maselen Yuda-o.

Esai 26:1

O palɛi ken nin, a solinin condei he o tàndá Yuda-o nin aa: «N nɔ kobi mayoomoo o kungaa ɲɛkɛndɛi, Mɛlɛka yɔngu naa cindaa, mí cinda kon siŋnun kpakio a sungbule makɔɔlen le naa.

Esai 4:5

O kon, ndu Mɛlɛka pila solinin tindile ikumnden ipala a kumnde, mò soli yinnde biyaalen icɔl o pembei Siɔn kpow coo a o fondala vannda cuungian-ndan coo. Kani o ɲɛ oo ɲɛ coo, biilu Mɛlɛka-o vanin maa lekùù.

2Masaa 24:1

Tuma Yehoyakim va masaa Yuda-o Nebukanɛsar masaa Babilɔn hun luɛi a cɔwvo o tàndá Yuda-o nin ni. Mí Yehoyakim luɛi ndu o ba bɛngu le vɔsilan tan yáá, kɛ mó can vɛlɛ mó simul Nebukanɛsar.

2Masaa 23:29

Telen Yosia kon va masaa-o, mí Neko Faraɔnnɔ va masaa Esipte-o can peo Efrate demullo le kɔlan masaa Asiri cɔwvo malaa. Mí Yosia kei ndu ciŋilan a cɔwvo. Kɛ mɛɛ Faraɔnnɔɔ ce dɔ́ɔ́ Yosia kon Mekido, mó dii ndu.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Sakari 9:7

I solinin visia vi o ba nda coo-a nda o sondo, mì soli visin solin sálà o piɔmnda lo-on nda o ciŋndon tɛɛn. Filistia tɔ̀a lonin yoomu-a bɛɛ, a canin ya maa Hala ndaa, mà siŋnun maa bolii lapangɛi o tàndá Yuda-o nin. Vannda Ekrɔn nda siŋnunnin maa Yebusiia.

2Masaa 19:34

Ndu Mɛlɛka kandanin kobio ho le ndu ciindiaa, le ndu pila a le David vana baala ndɔ.›»

Talelan 3:25

A buulannin le dɛnɛ isiòòn voolu vana-o le, a buulannin le vanaa kɔlvesɛiya del vana coo-a le,

Sakari 12:4

Ya Mɛlɛka co sɔɛi nuaa ni: Paale len, i seemiaanin soa, mì vanaa ɲaanun a soa-a yɔŋnun yoloma-yoloma. Kɛ i landunin hɔlla polale Yuda len coo tuma ya suumiaanin soa vanaa-mangalaa-isɔɔa tɔ̀a kpow-vo.