Sakari 9:3 - BII BILA

³ Vannda Tir a cownun fonda mayoomoo, a cuungiaa volion mɛɛ cundoo co lɛŋ nuaa yɛ, má dii sianion kundaa mɛɛ loolio co o nɛiyo co nuaa yɛ.

Sakari 9:3 Referans Kwoze

Esekiɛl 27:33

Tuma vɔngula nɔmndan la va fulaa o mɛmma ihɛllan nin-ndo, a va vanaa-mangalaa-isɔɔa taw-taw pimio mà va masaa o lɛŋnden coo siinguuo vanaa bolofaa a ɲɛm kɛndɛn nɔmndon a á vɔngula va nɔm o ba taw lan.

SƐBƐ YƆB-O 27:16

O cuungiaa bɛɛ volion maa mɛɛ cundoo co yɛ, mò dengela volola vownanndan maa looli,

2Samiɛl 24:7

Má hiaw laci, má tiiya Tir, kobi va kon o kpakio nin-ndo pɛɛn, má kɔa vɛlɛ o kobila Hiviia a o kobila Kanannda kpow nin, má kɔ tiiya háá Bɛɛr-Seba a ba too, o tàndá Yuda-o nin.

Yosue 19:29

O kon kɔɔli, mí la kɔa a kpengii Rama-e, mí la tiiya háá Tir, kobi va o kpakio nin-ndo pɛɛn. Mí la hiaw Hosa, mí la kei Aksib, mí la kɔ del o mɛmma ihɛllan coo,

Esai 23:8

Nɛ̀ɛ́-nɛ̀ tuu yɛ sanga bɛndoo ho, mó tuisi ndu kobio Tir va hoo mɔsilta lemasalan piɔwvo-o coo? Yulaa va o kobio ho nin-nda, cuavaa lemasaa nda va ni. Vanaa vannda ke bɛɛlen o lɛŋnden coo-a nda va ni.

SƐBƐ YƆB-O 22:24

Vuu sianii nɔmnde o cundoo nin, te kon te, mal ndi o powta pee pɔmbɔɔ tɛɛn,

1Masaa 10:27

Mó tosa mí volion kui Yerusalɛm maa lapow, mí yɔmii sɛɛdrei muungu mɛɛ buumbuue vul o dɛɛlalan nin nuaa yɛ.

1Masaa 10:21

A sianion ndáà cɔw taalala kólaala Salomɔn-ndan kpow ni, má toosiaa vɛlɛ ɲɛm-laandun va o Cɛiyo-Bundɔɔ-Liban nin-ndon kpow a sianin diandan, o kɛ́-kɛ̀ cownun a n'voli le. Bau telen Salomɔn va masaa-o, vannda ndáà ci mun ɲɛ sɔvɛ taw le.

Esai 23:11

Bau Mɛlɛka siɛndi ba ndɔɔ o mɛmma ihɛllan coo. O hiiluu masɛi yongban-yongban, O dimul vannda le fondala mayoomulan Kanaan tɛɛmbuuo.

Esekiɛl 26:12

Vannda cuanin bolofaa nɔmndo, mà poondiaa ɲɛm leyulan nɔmndon. A koombiaanin kpakila nɔmndan, mà pesipesi cɛila nɔmnda latɔ́ɔ́-tɔ́ɔ́lan. A viawnin powta nɔmndan, yɔmii nɔmnde a cundu nɔmndo o mɛnndan nin.

Esekiɛl 27:34

Kɛ mɛɛ mɛmma ihɛllan ma yimi nɔm, mí vɔngula nɔmndan a ɲɛ-ɲɛ va o dɛ̀ndɔ̀ɔ́ nin toal o mɛmma yingilan tumndo dí a nɔm pila latulu.

SƐBƐ YƆB-O 3:15

Maa yáà vannun nihau naa cuavaa lemasaa, áà nɔ sianion mí ndáà pei cɛila ndalan a volin latámán-nda.

Esekiɛl 27:27

Paale n mɛɛyanin o mɛnndan bɛngu len, bolofaa nɔmndo, ɲɛm n manda-on, ɲɛm nɔm leyulan, vanaa tɛɛngaa ladɛ̀ndɛ̀a nɔmnda, vanaa vanin o dɛ̀ndɛ̀ nɔmndo nin-nda, vanaa baŋulaa tɛɛngun ladɛ̀ndɛ̀a nɔmnda, yulaa nɔmnda kpow, vanaa cɔvaa co nɔm o ba bɛngu-a kpow a vanaa co o sɛ́lɛ́ nɔm bɛndoo tɛɛn-nda kpede a mɛɛyanin o mɛmma ihɛllan tɛɛn.

Esekiɛl 28:1

Mí Mɛlɛka soaa o ya lo, mó dimul-la aa:

Amɔs 1:9

Nuaa Mɛlɛka soo ni aa: «Le yɔŋnda vɔɔnnda yàála vannda Tir tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda taw-taw, má kɔ vɔngul nda Edɔmnda o ba. À yiyan le kpema ivanaya co nda tɛɛn nda puapilɛa ndaa kan-ndo le.