Sakari 9:1 - BII BILA

¹ «Yoongu Mɛlɛka-o. Sɔɛi Mɛlɛka-e tiiya o lɛŋnde Hadrak len nin, i sim o kobio Damas coo. O co ko polama Israɛlla coo le Mɛlɛka nɔ hɔlten te, o nɔ vɛlɛ hɔlten vanndacieea kpow coo.

Sakari 9:1 Referans Kwoze

Malasi 1:1

Sɔɛi lusulɛi Mɛlɛka soo o Israɛlla lo a sondo Malasi-o-e.

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Amɔs 3:12

Nuaa Mɛlɛka soo ni aa: Mɛɛ vana mandaa n'cɔloo soli bɛngula tiɔnnda saa, te kon te nile hɔlte saa yàlàá o sondo yɛ, lende koni Israɛlaa vanin icali o kpɛŋɛla sɔlɔbɔlɔɔlan nin, te kon te o kpelelan coo Damas o tàndá Samari-o nin-nda hialunnin yaamɔɔ ndaa ni.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Esai 52:10

Mɛlɛka soli ba cɔm dindin ndɔɔ-o ceen vanaa-mangalaa-isɔɔa kpow o hɔl. Vanaa co o lɛŋnden mɛɛlulan kpede-a canin cinda Hala naa.

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

Condii lisai 145:15

Nda kpow a co nɔm tofaa, a co nɔm cumndo ma ke nda baloo o telen bɛnda-o.

Condii lisai 25:15

Hɔlaa nia co lɔ́ɔ́-lɔ́ɔ̀ a muliaa o Mɛlɛka lo, kani ndu solì ya pelon o yalaa nin ni.

2Dɛnnda lemasalan 20:12

Éé Hala naa! Vɛ̀ɛ̀ a kilu nda iyama le? Kani n nɔ kpaaya le vanaa cɔvaa sɛ́lɛ́ bɛndua co naa ha hinullo-a simullo le, n sina ɲɛ naa n tosa le. Lelan naa n mulin o nɔm ndo le nɔm piɛiyo nuaa ni.»

O Kandɔɔ 14:15

Mɛɛ o bendal nda, mó piɔw vanaa ndɔa cɔwva kundalan, má del yaamɔaa ndaa kan coo o ɲumndan nin, má tiw nda ba. Má lo nda kɔlan a soŋɔɔ háá Hoba, Damas a ba luaŋ-ndo.

Amɔs 1:9

Nuaa Mɛlɛka soo ni aa: «Le yɔŋnda vɔɔnnda yàála vannda Tir tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda taw-taw, má kɔ vɔngul nda Edɔmnda o ba. À yiyan le kpema ivanaya co nda tɛɛn nda puapilɛa ndaa kan-ndo le.

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›