Sakari 8:8 - BII BILA

⁸ I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.

Sakari 8:8 Referans Kwoze

Esekiɛl 36:28

La calnin o lɛŋnde ya yɔngu (sindɛ) fuɲaa niaa mamaa len nin. La vanin vanaa nia, mì ya i va Hala niaa.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Esekiɛl 37:27

Calta nilan la vanin nda tɛɛn, i vanin Hala ndaa mì nda va vanaa nia.

Esekiɛl 37:25

A calnin o lɛŋnde ya yɔngu sindɛ Yakɔb vana baala nuu len nin, lɛŋnde fuɲaa ndaa va icali nin-nden pɛɛn. Kandɔɔ a nda pila, cuavaa ndaa a cuavaa ndaa mamaa, a vanin icali o lɛŋnde len nin le fɛɛn a fɛɛn, nduyɛ David vana baala nuu vanin simlacinɔ ndaa le lɔ́ɔ́-lɔ́ɔ̀ ni.

Tɔŋ lasálàá 26:12

I vanin kelaa niaa tɛɛn, i vanin Hala niaa, mì niaa va vanaa nia.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Yeremi 30:22

O kon la muungunin vanaa nia mì va Hala niaa.

Sakari 10:10

I faŋanin nda Esipte, mì mingi nda nanu. I faŋanin nda Asiri, mì cuungiaa nda nanu, i lueinin nda o tàndá Kalaad-o nin a o lɛŋnde Liban-nden nin. Kɛ hali kon, fonda kon tiwnin nda le.

Yeremi 32:41

Ɲɔɔ hɛnannin ya le nda dɛnɛ kɛndɔɔ tosallo, o kon i tɔalnin nda tɔlɔɔ kpeekpeiyo o lɛŋnden nden nin a kɔl nuu kpow, a yiyan nuu kpow.

Yeremi 31:1

Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

Yeremi 23:8

Kɛ a vanin mɛnanndo aa: «Le Mɛlɛka yoomaa, o soli Israɛlla o lɛŋnde maluaŋ-nden nin a o lɛŋii kɛ́-kɛ̀ ndóò tow nda nin, mó mingi nda o lɛŋnde ndalen nin-ndo!›»

Yeremi 11:4

o ya sɛval fuɲaa niaa mamaa, o paale ya soli nda Esipte, o tóndó teengiaa n'cilinndo nin-ndo.› Mí dimul nda aa: ‹La yaŋ nilan o diom nuu, mì la kela o sɔɔn ya dimul nia-on kpow coo, o kon la vanin vanaa nia, mì ya i va Hala niaa.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Esekiɛl 36:33

Nuaa Maalii Hala dimi ni aa: «Paale ya dindinin niaa a dɛnnda niaala nɔɔlɛilan kpow len, i minginin kobilan pei (a vanndacieea), mà mingi tangullo o bémbéla piɔlɛila paandulan coo.

Sakari 10:6

I lueinin polale Yuda len yoomuan, mì baŋa polale Yosɛf len. I minginin nda o la nda lo, kani ɲíí ndɛi co ya. A vanin vana ca kaa kabi bɛɛ yáà tuw-vɔ nda polon te. Ya co Mɛlɛka ni, Hala ndaa pɛɛn, i mululnin nda piɛilen.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Osee 11:11

A cannin Esipte mà hin a ɲiiyaa maa n'yow. A cannin o lɛŋnde Asiri len nin mà hin a kiltan maa n'poonpoon. O kon, i kɛsinin nda mà cal o cɛila ndalan nin. Ya Mɛlɛka soo lende ni.»