Sakari 8:10 - BII BILA

¹⁰ Kani tuma pá mí telen kon tiiya, vanacieo ndóò nɔ sala le baala ndɔɔ le, cɔloo bɛɛ ndóò nɔ vɔ́ngɔ̀ le baala ndɔɔ le. Le siòòŋii yaamɔɔa, kɔlɲulu ve le vanaa va luɛyɔɔ a fulaa-a le. Bau mí yáà mal vanndacieea, má ndáà va nda pila cɔlɔbanndo.

Sakari 8:10 Referans Kwoze

Amɔs 9:4

Taa kɔɛ pɛ o biyɔɔ nin o lɛŋnde celen nin yaamɔaa ndaa o hɔl, lon bɛɛ i tosanin mì mɔɛi cɔwve diw nda. I tofanin nda, kɛ o venin le nda dɛnɛ kɛndɛ tosal te, fɔ le nda dɛnɛ palaa tuisio coo.»

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Esai 19:2

I co sɔngɔɔ malɔɔ Esiptea tɛɛn, mà simulan vellaa-velle, vanndo cɔlɔbanin nda puapilɛ ndɔɔ, vanndo cɔlɔbanin nda caan ndɔ, kobio cɔlɔbanin kobio, masalen le cɔlɔbanin masalen.

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

Masaa kialaa n'yamaa 5:11

La tuei-yɔ mɛɛ vanaa piɔw mɛnndan nɛɛ nda koesi cɔlua-a-a co condei yɛ. A co Mɛlɛka sangalaa le ɲɛ o tosa le dɛnɛ sandaa-o, ɲɛ o tosa le dɛnɛ sanda Israɛlla laci-o. O kon, mí vanaa Mɛlɛka-a va tolɔɔ o diola luɛyaala kobilan.

Aasee 2:15

«La dɔw ɲɛ co hunɔɔ tosan o hau kɔɔli-o taasi ɲɛkɛndɛi. Lɔ́ɔ́ pá mì la kandu powtan hɛɛnduuo le Cɛi-Mɛlɛka-o mingio tangullo,