Sakari 7:9 - BII BILA

⁹ Nuaa Mɛlɛka-Nɔ-Kpaayaa-Kpow-vo soo ni mó dimi aa: La kiolu yaman o sandei nin. La vá vanaa kɛndɛa niaa pila tɛɛn, mì la tuinan ɲííye vellaa-velle.

Sakari 7:9 Referans Kwoze

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Talelan 21:3

Kela sandaa a dɛnɛ toɲaa tosaa hiow Mɛlɛka hɛnan a ndu sálàlan solullo.

Yeremi 7:5

Te la kela pɛ kela kɛndɔɔ, mì la bɛɛndiaa dɛnnda niaalan, te la tosal pɛ vannda a pilɛn-pilɛnnda dɛnɛ sandaa,

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Nsaŋ 7:51

«Vɛ̀ɛ̀ tɔŋ naa cɛl pá mì n kelu yamɛi vanndo te o co mi vana kon soo, mì vana sina dɛnɛ o tɛɛmbuu-o le?»

Luke 11:42

Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.

Matie 23:23

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co o-tɔ́ndɔɔ solio o tɔlɔɔwlan lapum nin maa mɛnte, anɛt a kumin, kɛ mì la va dɛnnda hiow vaa lasɔvɛ o tɔŋndo nin-ndan malɔɔ: lan la co dɛnɛ sandaa, vannda ɲííye tuinɔnndo a laalanndo ni. Dɛnnda lan niáà bɛnda le tosaa ni handɔɔ niko o dɛnnda tɔ̀lan coo.

Sakari 7:7

Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.

Amɔs 5:24

Kɛ i yeema mì dɛnɛ sandaa va tosanndo mɛɛ mɛnndan ma hiaw nuaa yɛ, mì sɔɔn va tosanndo sakpo mɛɛ mɛmma pee pɔmbɔan ma hiaw a yoomuan nuaa yɛ.

Esekiɛl 45:9

Nuaa Maalii Hala dimi ni aa: «Niaa simlacia Israɛl sei, la hiow ba dɛ! La pɛngi nin kɔlvesɛiyo a delɔɔcoo ho tosaa! La tosa nin sakpoyɛi a dɛnɛ sandaa! Mbɔ̀ la pɛngi nin vanaa nia yondola ndalan poondiaa o laba! Ya Maalii, ya co Mɛlɛka-o soo nuaa ni.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Tɔŋ lasálàá 19:15

La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Nsaŋ 7:24

La kialu yamɛi le kiolɔɔ lan te, kɛ la va pɛ yamɛi kiolɔɔ, la kiolu yamɛi sandɛi sakpo.»

Tɔŋ miingua 22:1

«Taa ce pɛ naw luusian puapilɛ nɔmndo o ba-o, te kon te saa luusian ndu o ba-o, mɛi cɔlu kon ndon ma kɔɛnnun te, kɛ a bɛnda mà yoo puapilɛ nɔmndo cɔlu ndɔ luusian kon-ndo.

2Samiɛl 9:7

Mí David dimul ndu aa: «Siòòŋii bii nɔm te. I yeema mi peelu diomnde nilen a nɔm le Yonatan fuɲa nɔm. I co nɔm lɛŋii Saul fuɲa nɔm mama-e mingul kpow. A vanin vɛlɛ lɔ́ɔ́-lɔ́ɔ̀ ɲɛdiaa dioo naa ŋiɔn latulu.»

SƐBƐ YƆB-O 6:14

Vana co o sangaa nin-ndo bɛnda mò sɔla ɲííye tuinɔnndo caan ndɔ o ba, hali o va bɛɛ maa o nɔ lɛ siòòŋii Vana-Kpaayaa-Kpow le.

Yeremi 22:3

Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.

Esekiɛl 18:8

vana mel kueo le ndu mingul a tɔnɔ loo, o yɔɔkpiaa vana loo, o sòli bala ndɔlan o dɛnɛ sendu loo nin-ndo, o kialu yamɛi a toɲaa vanaa ŋiɔn tɛɛn-ndo,

Sakari 7:8

Mí sɔɛi Mɛlɛka-e dimulun Sakari aa:

SƐBƐ YƆB-O 31:20

mí kɛɛ nda kolala nda lɔ a yiiŋii saa nia lan yɔngu le ɲɛ lafuuo vaa nda coo haliko ma mel-la balikaa,

Osee 12:7

Lelan sisa, niaa cuavaa-imamaa Yakɔb-a, la mùùngú ya Hala niaa o ibuŋ. La vá kelaa o vanakɛndɛyɛi a o sandei nin. La vá Hala niaa tiindanndo le lɔ́ɔ́-lɔ́ɔ̀.