Sakari 7:5 - BII BILA

⁵ ‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Sakari 7:5 Referans Kwoze

Sakari 1:12

Mí mɛlɛkanɔ Hala-o cua sɔɛi, mó dimi aa: ‹Éé Mɛlɛka-Nɔ-Kpaayaa-Kpow-vo! O co nihau vɔsilan belaŋɔmmɛw a co o kɔltuwvo nin a Yerusalɛm a á kobila co o tàndá Yuda-o nin-ndan. Mà lo kɛɔ le nda ɲííye tuinɔnndo háá lɔ́ɔ́ kuɛɛ nɛ?›

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Sakari 7:6

Te la de pɛ ɲɛdiaa mí la kol, o co le niaa pila le niaa de mí la kol te?

Sakari 7:3

a le vanaa-solia-lasálàá va baalaa o Cɛi Mɛlɛka-Nɔ-Kpaayaa-Kpow-vo nin-nda a vanaa-tɛɛngaa-diom Hala-a ɲunaa ni aa: ‹Vɛ̀ɛ̀ mì va hiovɔɔ laci a caŋndo a sumndo biyɔɔ o paangii ŋuɛɛnundɔɛi nin mɛɛ ya co nin tosaa lende o vɔsilan taw nin yɛ?›

Kolɔsea 3:23

Ɲɛ-ɲɛ niaa va pɛ tosaa, la tosà ndu a kɔllo kpow maa le Maalii, kɛ o va le vanaciee le.

2Korɛntea 5:15

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

2Masaa 25:23

Lɔ́ɔ́ simlacia vanaa cɔwva a vanaa ndaa cɔwva kpow a tuei maa masaa Babilɔn suili Kedalia masa ibungaa-o, má kɔa o ndu lo nɛɛ o va Mispa-a. Vanaa kɔɛ kan o ndu lo-a yɔŋnun haa ni: Ismaɛl po Netania-o, Yohanan po Karea-o, Seraya po Tanhumɛt fula Netofa-o-o a Yaasaniahu po langbanɔ fula Maaka-o nda vanaa ndaa cɔwva kpow.

Esai 43:23

La solul-la sálàla loamaalan a saa téndéa niaa le. La ke ya lebɛɛ a sálàla niaalan te. I hiiluu niaa kɔl le ya sálàlan solullo kangalan te. I pala niaa a kpɛlɛkpɛlɛ le ya ansan lumndo le.

Esai 58:3

A co ɲunaa aa: «Tɔnɔ yɛɛ naa n nɔ yɛ le sumndo biyɔɔ te nɔm (Mɛlɛka) co ndi cɔ le? Tɔnɔ yɛɛ naa n nɔ yɛ le naa pila tuisinndo tootoo te nɔm co naa saalan te?» O kon mí Mɛlɛka muli aa: «O co fondo le, paale niaa co sumndo biyɔɔ len, la co yiyannda niaalan tosaa, la co vanaa baalaa niaa saangiaa a kɔlvesɛiyo.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Yeremi 52:12

Vɔsi Nebukanɛsar suili vɔsilan tɔ́ a laŋɔmahiɔɔlu-o, paangii ŋuɛɛnundɔɛi va malɔ tɔ́, mí Nebusaradan luɛi Yerusalɛm ciee. Ndu va bolle vanaa kandaa masaa Babilɔn ni, o va vana pilɛ o vanaa masaa Babilɔn ndóò laalan taw-va tɛɛn.

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Sakari 7:4

O kon, mí Mɛlɛka-Nɔ-Kpaayaa-Kpow-vo soaa o ya Sakari lo, mó dimul-la aa:

2Masaa 25:25

Kɛ o paangii ŋɔmmɛwndɔɛi nin, mí Ismaɛl po Netania-o, po imama Elisama-o, fulaa o yungu lemasaa nin, hun a vanaa ndɔa cɔwva n'van tɔ́ kɔɔli, má hun dii Kedalia, má diw vɛlɛ Yuifia a Babilɔŋaa va Kedalia ikɛi Mispa-a.