Sakari 7:10 - BII BILA

¹⁰ La luéì vanalanɔ pɔnɔ ndɔ vi-o a vííyo mɔnɛi le. La sáángiàà miallo a vana bala fondoo le. La túúnùn o lakɔl le dɛnɛ vɔɔndo tosalanndo vellaa-velle le.

Sakari 7:10 Referans Kwoze

Yeremi 5:28

A luɛi cuɛiyan, má celul celoo pila. À nɔ lapɛɛngu o dɛnɛ vɔɔndo tosaa nin te. À kilu yaman sandaa le. À suu le vííya dí ndaa yɔngu le, te ndáà soaa pɛ le nda, vííya va dí ndaa sɔla. À cue sɔɛi vanaa bala fondoa balan latiɔn te.›

1Nsaŋ 3:15

Vana-vana nɔ pɛ nɛyɔn puapilɛ ndɔɔ, mɛɛ ndu vana diuvaa n'vanndo o co ni, la sínà yɛ maa vana diuvaa n'van kɛ́-kɛ̀ nɔ yoomu fɛɛn-fɛɛndo ndu nin te.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Condii lisai 72:4

Masaa tosalnin vanaa dɛnɛ palaa co coo o lɛŋnden nden nin-nda dɛnɛ sandaa, mò ciindiaa vanaa co o mɔnɛi nin vannda tɛɛn-nda. O pesipesinin vanaa co vannda delɔɔ coo-a.

Condii lisai 21:11

A tɛɛmbuunin cuavaa ndaa o lɛŋnden coo, mà tɛɛmbuu yɛyii ndɛi o vanndacieea tɛɛn.

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»

Amɔs 4:1

«La yaŋ nilan ɲɛkɛndɛi o sɔɛi he, niaa navaa laandua Basan, niaa co icali o pembon Samari coo, mì la va vanaa bala fondoa saangiaa a vanaa ikɔɔa mɔnɛi lueiyo-a. La co piaandaa niaa dimullo-a aa: ‹La hun a man mì n kolnun man!›

Esekiɛl 22:29

Vanaa co o lɛŋnde len nin-nda co vannda yɛɛvɔɔ dɔvɔɔ, a co vuilen yɔŋndo, a co vanaa ikɔɔa a vanaa bala fondoa saangiaa le tɔnɔɔ solio nda o n'dial, a co mialla mɔnɛi lueiyo o dí ndaa kpede coo.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Talelan 6:18

kɔl tuu tuula yɔŋ vɔɔnndan-ndo, pelun ɲaanun le kɔlan dɛnɛ vɔɔndo tosaa-on,

Talelan 3:29

Te vanndo vannun pɛ icali nɔm ikɛi nila ɲulu, túù le ndu dɛnɛ vɔɔndo tosallo le.

Condii lisai 140:2

Éé Mɛlɛka! Baŋa ya vanaa yɔŋ vɔɔnda o ba, kanda ya le vanaa kɔlvesɛiya.

Tɔŋ miingua 27:19

Màá dangaa va vana kilul miallo, vííyo a vanalanɔ pɔnɔ ndɔ vi-o yamɛi lakafɛi-yo coo! Vannda kpow a cɛlnin aa: ‹Amiina!›

Fulaa 23:9

La luei mialaa co niaa o bɛngu coo-a mɔnɛi le, niaa pila sina mɛɛ calle o sumialle i kendu yɛ. Kani mialla niaa bɛɛ yɔŋnun o lɛŋnde Esipte len nin ni.»

Condii lisai 36:4

Sɔɔn lacòòvan a sɔɔn huiyaa n'vanndon kínɛí n fula ndu o sondo ni. Dɛnɛ kɛndɔɔ tosaa solul lɛ ndu kpeku oo kpeku le.

Yeremi 7:6

te la saangiaa miallo le, mì la saangiaa vííyo a vanalanɔ pɔnɔ ndɔ vi-o le, te la dii vana tɛɛmbuu isɔɔ loo le, te la mulin halaa celen kɔɔli le niaa pila dɛnɛ palaa tuisinndo coo le,

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Yeremi 49:11

‹La mɛi ya víyaa niaa o ba mì koma suili nda, a laandaa niaa mì koma handu nda hɔlten coo.›»

Esekiɛl 18:12

mó saangiaa vanaa ikɔɔa a vanaa bala fondoa le nda tɔnɔɔ solio nda o n'dial, mó tosa vuilen, mó cɛl le ɲɛ nda lendul ndu o ba-o mingio le, mó muli hɔlla o piɔmnda mó tosa dɛnnda nɔɔlɛilan,