Sakari 5:4 - BII BILA

⁴ Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Sakari 5:4 Referans Kwoze

Talelan 3:33

Danga fula Mɛlɛka o ba-o co o vana kɔlvesɛiyo lo cɛinin, kɛ ò dɔàw calta vanaa sandaa duaa.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

SƐBƐ YƆB-O 18:15

Cɛi ndɔɔ ve lɛnin le ndu le, vana celen nɔla mò koma luɛinun lenin. A saŋnin fungoo o yondola ndɔlan coo.

Tɔŋ miingua 7:26

La luei ɲɛ nɔɔlɛiyo o cɛila niaalan nin te, yɔŋii niaa va o kpòndò dangaa bɛngu maa ɲɛ nɔɔlɛi kon. La cɔ ɲɛ vaa lendeo maa ɲɛ nɔɔlɛi bɛndoo o co ni, mò kuisin niaa, kani o dangaa bɛngu o co ni.»

SƐBƐ YƆB-O 20:26

Ɲumndan ma co ma mandaa le bolofaa ndɔɔ, man ma toalnin o ɲɛm ndɔn coo ni. Yinnde vana kíísúú le len le co ndu lomɔɔ, mì yinnde len le lom vɛlɛ ɲɛm lonin o ndu lo cɛi nin-ndon.

Esai 24:6

Lelan dangaa co lɛŋnde kalalen hulɔnndo coo ni, vanaa co o lɛŋnden coo-a co sangaa sɔlaa le hakila ndalan, lelan nda co cuuo nuaa kpede ni, a pilɛn-pilɛn daama nda co lou ni.

Yeremi 2:26

Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Amɔs 3:10

À sina mɛɛ vana tosa dɛnɔɔ o sandei nin yɛ le. Ya Mɛlɛka soo nuaa ni. A co ɲɛm nda sɔla a kɔlvesɛiyo-on, a n nda sɔla o delɔɔcoo nin-ndon cuungiaa kundala bɛndulan o cɛila lemasala ndalan nin.

Sakari 5:3

Mó dimul-la aa: ‹Dangaa n co cɔ kon saŋnɔnndo o lɛŋnden nden kpow coo nuaa ni. Kani o sɛvan o sɛbɛ kon nin baa pilɔɔ ma vanaa-vanaa co vuiya nanu, nda co townɔn nanu, o sɛvan vɛlɛ baa pilɔɔ maa vanaa-vanaa co mɛɛniannda lacòòvalan, nda bɛɛ toawnunnin nanu.

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»

Tɔŋ miingua 28:16

O dɔawnin niaa danga ciee, mò dɔw vɛlɛ niaa danga yondo.

Yosue 9:20

N mɛinin nda yoomu, yɔŋii kɔltuw Mɛlɛka-o tol naa coo le mɛnalan naa n mɛnalan nda-o. Kɛ ɲɛ naa n tosalnin nda-o co hoo ni:

SƐBƐ YƆB-O 8:15

O co tiindanndo cɛi ndɔɔ coo, kɛ cɛi kon simul te, O kɔman cɛi kon, kɛ o kindu le.

SƐBƐ YƆB-O 8:22

Siɛmbulan la co yaamɔaa nɔmnda biyɔɔ, mì cɛila-kolala-toandaala vanaa vɔɔnda la lo pɛ́.»