Sakari 5:3 - BII BILA

³ Mó dimul-la aa: ‹Dangaa n co cɔ kon saŋnɔnndo o lɛŋnden nden kpow coo nuaa ni. Kani o sɛvan o sɛbɛ kon nin baa pilɔɔ ma vanaa-vanaa co vuiya nanu, nda co townɔn nanu, o sɛvan vɛlɛ baa pilɔɔ maa vanaa-vanaa co mɛɛniannda lacòòvalan, nda bɛɛ toawnunnin nanu.

Sakari 5:3 Referans Kwoze

Fulaa 20:15

La yɔŋ levui le.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Esai 43:28

Lelan ya cii simlacia co o Cɛi-Diandaa nin-nda labɛɛ ni, mí tɛɛmbuu polale Yakɔb len, mí tosa mí vannda yeow Israɛlla yeowlan pila.

Esai 24:6

Lelan dangaa co lɛŋnde kalalen hulɔnndo coo ni, vanaa co o lɛŋnden coo-a co sangaa sɔlaa le hakila ndalan, lelan nda co cuuo nuaa kpede ni, a pilɛn-pilɛn daama nda co lou ni.

Nsaki 5:12

Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

1Timote 1:9

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

Luke 21:35

Kani paalen le toalnin vanaa co o ceendo kpow coo-a coo mɛɛ visio haw o yaŋɔɔlen nuaa yɛ.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Talelan 29:24

Vanndo cɛlan pɛ nda vuiyo, ndu pila tuisin dɛnɛ vɔɔndo coo. Mò tuei mɛnaa, kɛ mò kɛɛ le vuiyo cɔɔmuuo.

Talelan 3:33

Danga fula Mɛlɛka o ba-o co o vana kɔlvesɛiyo lo cɛinin, kɛ ò dɔàw calta vanaa sandaa duaa.

Tɔŋ lasálàá 19:11

La yɔ́ŋ levui le, la dímùl caanda lacòò mì la tosal nda lakafa le.

Amɔs 3:10

À sina mɛɛ vana tosa dɛnɔɔ o sandei nin yɛ le. Ya Mɛlɛka soo nuaa ni. A co ɲɛm nda sɔla a kɔlvesɛiyo-on, a n nda sɔla o delɔɔcoo nin-ndon cuungiaa kundala bɛndulan o cɛila lemasala ndalan nin.

Yosue 9:20

N mɛinin nda yoomu, yɔŋii kɔltuw Mɛlɛka-o tol naa coo le mɛnalan naa n mɛnalan nda-o. Kɛ ɲɛ naa n tosalnin nda-o co hoo ni:

Esekiɛl 2:9

I va tofaa, mí ca ba vanacieo o siɛndiaa nɛɛ ya va icali-a, sɛbɛ simbulaa va o ba kon.