Sakari 4:7 - BII BILA

⁷ ‹Nɔm pembii bɛnduei he, yɛɛ nɛ n co yɛ Sorobabɛl o hɔl? O co nɔm pesi mà siŋnun dɛngbɔɔ. O handunin pow lebollo o vɔkɔ-vɔkɔ biilaa nin, mì vannda va dimio aa: Biiloo co le powvo ho! Biiloo co le ndu!›

Sakari 4:7 Referans Kwoze

Yeremi 51:25

«Nɔm ya bii tɔ́ɔ́yaa ni, nɔm Babilɔn, nɔm pembii va lɛŋnden kpede tɛɛmbuuo-e, i co nɔm baa holɔɔ, mì ɲindu nɔm fulaa o powta kpovalan coo, mì mɛndul nɔm yinnde bɛndulen coo.

Sakari 4:9

‹Sorobabɛl kila Cɛi-Hala-o ho ni, ndu koni siownin vɛlɛ ndu tangul ni. O kon niaa sinanin ni maa Mɛlɛka-Nɔ-Kpaayaa-Kpow-vo vem ya o niaa lo ni.

Misee 4:1

«Palɛi pum co hunɔɔ tiiya, mì pembii Cɛi-Mɛlɛka-o co coo-e i hiow pembun bɛndon bandei, mì i hiow pembun pɔmbɔn kpow helɔɔ. Lon vannda súúlan kpow a vanin kɔlan ifili-filiei ni.

Condii lisai 118:22

Ya pow vanaa cɔavaa cɛiya viow-vo, i siŋnun pow kilaa cɛiyo.

Condii lisai 114:4

mí pembon n huuluu maa saa laandu, mí buubuuon n huuluu maa saa téndé.

1Piɛr 2:7

Bɛɛlen le co le niaa vanaa laalannda. Kɛ le vanaa kɛɛ le laalanndo-a, pow vanaa tangulaa viow-vo, ndu siŋnun pow lebollo ni,

Dɛnnda kiilaa 4:11

A ndu Yeesu o kɔɔ Sɛbɛ Hala-o dimi ni aa: ‹Pow vanaa cɔavaa cɛiya viow-vo siŋnun pow kilaa cɛiyo.›

Esai 41:15

«Tofa vɔ, i siinguu niaa maa ɲɛ ɲaanan soa nan-ndo, o sɛnɛiyo, o nɔ ciliŋun siɛɛmbian n tivaa kpow-vo. La pesinin pembun bɛndon mi la vɔɔciaa mun, la siinguunin pembun pɔmbɔn maa ifoeen.

Condii lisai 114:6

mí niaa pembon va huuluuo maa saa laandu, mí buubuuon va huuluuo maa saa téndé?

Rɔmnda 11:6

Nduyɛ, te o va pɛ maa le kɛndɛi o hɛli nda ni, mɛɛ o co lɛ le dɛnndan te. Te o co yɛ lende le, mɛɛ kɛndɛi ve lɛ ikɛndɛ le.

Misee 1:4

Pembon co kɔlan a puusianndo ndu o labɛngunin, bóltan la co kɔlan a tɛɛndiaa ndu laci mɛɛ dukpaa tenga o yinndekɔɔ nuaa yɛ a mɛɛ mɛnndan ma toal nɛɛ feke-fekea nuaa yɛ.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Dɛnnda cɔɔmuanndan 16:20

Mí lɛŋii co o mɛnndan tɛɛn-nde kpow i ɲaanun, vana seelun ndɛ pembon te.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Luke 20:17

O kon mí Yeesu tofa nda ciŋ, mó ɲuna nda aa: «Kɔlɔ yɛɛ sɔɛi co hee isɛvaa-e nɔ yɛ aa: ‹Pow vanaa tangulaa cɛiya viow-vo, pow kon siŋnun pow lebollo ni?›

Luke 3:5

Bóltan kpede la peelunnin, mì pembon a buubuuon kpow n tol. Nɛila tuunduan-ndan la sandunin, mì nɛila vɔɔn-vɔɔnndan la muungu tɛlɛlɛ.

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Marke 12:10

La ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni?

Matie 21:21

Mí Yeesu mulul nda aa: «I co niaa toɲaa dimul, te la nɔ pɛ laalanndo, mì la kiisan te, la tosanin dɛnɛ tosalan hoo a voosu tumndo-o, kɛ la dimulnin vɛlɛ pembei he aa: ‹Sungun ndon mà kɔ del o mɛmma ihɛllan nin›, mì kon tosan.

Habakuk 3:6

O sim pɛ lɛŋnden le ɲiiya. O tofa pɛ vanaa-mangalaa-isɔɔa, kan yɔŋ siòònde a ndu. Pembun masindɛ-sindɔn co piɔsio, pembu pɔmbɔn sindɛ, n va mun nɛila ndɔlan paandu-on co tolɔɔ mɔlɔ-mɔlɔ,

Ɛsdras 3:10

Mɛɛ vanaa cɔavaa lacɛiya kila Cɛi-Mɛlɛka-o, má simi vanaa-solia-lasálàá lon, domala solia lasálàlan la va nda lekɔɔ, bulula hɔŋaalan la va nda o laba. Leviia nda nda, poaa Asaf-a, ndáà nɔ kɛ́ŋun comulan o laba ni le Mɛlɛka biiloo maa mɛɛ David masa Israɛlla sɛva yɛ.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Sakari 4:8

O kon kɔɔli, mí Mɛlɛka soaa vɛlɛ o ya lo, mó dimul-la aa: